UWUHRẸ AVỌ 17

Ẹme nọ Amọfa A re Wo Otoriẹ Riẹ

1 Ahwo Kọrint 14:9

OWARE NỌ O GWỌLỌ: Ru re ahwo nọ a be gaviezọ kẹ owhẹ a wo otoriẹ ẹme ra.

Wuhrẹ ẹme ra ziezi. Riẹ oware nọ whọ be te ta ẹme kpahe na ziezi, te epanọ whọ sae rọ rehọ edhere ọlọlọhọ gbe eme obọra ru ei vẹ.
Ta eme ekpẹkpẹe gbe eme elọlọhọ. Dede nọ o thọ họ re ohwo ọ ta ẹme othethei ẹsiẹvo, rehọ eme ekpẹkpẹe rọ ta ugogo eware nọ i wuzou na.

Who fi eware nọ i wuzou tere he ba ẹme ra ha re whọ siọ ahwo ba ereghe no. Ta ẹme nọ a rẹ kaki wo otoriẹ riẹ viukpọ eme nọ a rẹ kaki wo otoriẹ rai hi.
Fa otọ eme nọ ahwo a riẹ hẹ. Daoma whaha eme nọ ahwo a riẹ otọ rai hi. Otẹrọnọ o gbahọ nọ whọ rẹ fodẹ oware jọ nọ ahwo buobu a riẹ hẹ, ohwo hayo omama jọ nọ a fodẹ evaọ Ebaibol, oghẹrẹ nọ a jẹ hae rọ ma hayo wawọ eware evaọ oke anwae, hayo uruemu anwae jọ, ru ei vẹ.