UWUHRẸ AVỌ 11

Ajọwha

Ahwo Rom 12:11

OWARE NỌ O GWỌLỌ: Rọ ajọwha ta ẹme re ẹme ra o duobọte iroro ahwo nọ a be gaviezọ kẹ owhẹ.

Jọ ẹme na ọ kaki duobọte udu ra. Nọ whọ be ruẹrẹ oma kpahe kẹ ẹme ra na, roro didi kpahe epanọ ovuẹ ra na u wuzou te. Daoma riẹ oware nọ whọ gwọlọ ta na ziezi re whọ sae ta ẹme na no udu ra ze.
Roro kpahe enọ e te gaviezọ kẹ owhẹ. Roro didi kpahe oghẹrẹ nọ ẹme nọ who ti se hayo wuhrẹ o te rọ kẹ amọfa erere. Roro kpahe idhere sa-sa nọ whọ sae rọ ta ẹme na re o sae daruọ enọ e te gaviezọ kẹ owhẹ na oma ziezi.
Kuẹwẹ uzuazọ ku ovuẹ ra. Rọ ajọwha ru ẹme ra. Rehọ abọ sa-sa oma ra gbe ovao ra kugbe ta ẹme na re u dhesẹ oghẹrẹ nọ ovuẹ ra na o rrọ owhẹ oma.

Yọroma re o gbẹ jọ nọ oria jọ oma na ọvo who bi ro kugbe ẹme ta ha, ogbẹrọ ere he u ve ti zihe ruọ uruemu ra no, onọ u ti si iroro ahwo no ẹme nọ whọ be ta na. Rọ abọ sa-sa oma ra ta ẹme evaọ oghẹrẹ nọ u fo. Rọ ajọwha ta ẹme maero nọ who te bi wuhrẹ ahwo ugogo eware nọ i wuzou jẹ be gwọlọ nọ a jowọ. Who fi ajọwha ọgaga họ ẹme kpobi nọ whọ be ta ha, re ẹme ra ọ siọ ahwo ba ẹvẹso.