AHRẸ 15-21

EWARE AGHAE NỌ E RRỌ EBAIBOL NA

1. “Uyoyou Ra nọ O rẹ Hiẹ Hẹ U Woma Vi Uzuazọ”

(Iminiti 10)

Re ohwo o wo usu okpekpe kugbe Jihova u tube woma vi uzuazọ (Ol 63:3; w01 11/1 7-8 ¶17-18)

Ma tẹ be hae romatotọ roro kpahe oghẹrẹ nọ Jihova o ro dhesẹ uyoyou nọ o rẹ hiẹ hẹ kẹ omai no, o rẹ lẹliẹ omai yere iei ẹsikpobi (Ol 63:6; w19.12 28 ¶4; w15 10/15 24 ¶7)

Uyoyou Ọghẹnẹ nọ o rẹ hiẹ hẹ o rẹ lẹliẹ omai jiri ei avọ oghọghọ (Ol 63:4, 5; w09 7/15 16 ¶6)

Iwoho na: Oniọvo-ọmọtẹ nọ o bi se Ebaibol. 1. Avọ oniọvo-ọmọtẹ ọfa a rrọ usi uwoma yọ eva e be were ae. 2. Ọ be kẹ uyo evaọ obọ ewuhrẹ.

OWARE NỌ A SAI RO RU EGAGỌ UVIUWOU: Wha ta kpahe idhere nọ Jihova o ro dhesẹ uyoyou nọ o rẹ hiẹ hẹ kẹ owhai no.

2. Eware Aghae nọ Whọ Kiẹ Via

(Iminiti 10)

Ol 64:3—Ẹvẹ eme nọ e rrọ oria Ebaibol nana i re ro fiobọhọ kẹ omai ma ẹme mai te ziezi? (w07 11/15 15 ¶6)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 63:1–64:10 (th uwuhrẹ 12)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 2) NO UWOU RUỌ UWOU. Ohwo nọ who dihọ uwou na ọ rẹ ta ẹvẹrẹ ra ha. (lmd uwuhrẹ 3 ugogo ẹme 4)

5. Epanọ A re ro Mu Ẹme Họ

(Iminiti 2) USI UWOMA OKE-GHEGHE. Who ku ẹme nọ who bi lele ohwo na ta họ no, rekọ whọ sae ta usi uwoma kẹe he. (lmd uwuhrẹ 2 ugogo ẹme 4)

6. Epanọ A re ro Mu Ẹme Họ

(Iminiti 3) USI UWOMA OTA ẸGBEDE. Daoma riẹ oware nọ o rẹ were ohwo na, re whẹ avọ iẹe wha ta epanọ wha sae rọ ruẹ ẹro oke ofa. (lmd uwuhrẹ 1 ugogo ẹme 5)

7. Ta Oware nọ Whọ Rọwo kẹ Amọfa

(Iminiti 4) Odhesẹvia. ijwfq 51—Uzoẹme: Fikieme Isẹri Jihova A re ro Zihe Nyae Ta Usi Uwoma kẹ Ahwo nọ A Ta Evaọ Okejọ nọ “Mẹ Gwọlọ Yo Ho”? (lmd uwuhrẹ 4 ugogo ẹme 3)

UZUAZỌ OLELEIKRISTI

8. Epanọ Ma re ro Dhesẹ nọ Ma You Ọghẹnẹ

(Iminiti 15) Ẹme nọ a rẹ kpahe fihọ.

Jihova “ọ vọ avọ uyoyou nọ o rẹ hiẹ hẹ.” (Ol 86:15) “Uyoyou nọ o rẹ hiẹ hẹ” yọ oghẹrẹ uyoyou nọ o rẹ lẹliẹ ohwo talamu omọfa, kru ẹgbakiete riẹ, nyusu tọ, je fi oma kpobi họ oware nọ o bi ru. Dede nọ Jihova o bi dhesẹ uyoyou kẹ ahwo-akpọ kpobi, idibo riẹ nọ i wo usu okpekpe kugbei ọvo o re dhesẹ “uyoyou nọ o rẹ hiẹ hẹ” kẹ. (Ol 33:18; 63:3; Jọ 3:16; Iru 14:17) Wọhọ epanọ Jihova o bi dhesẹ uyoyou nọ o rẹ hiẹ hẹ kẹ omai na, ere o gwọlọ nọ ma re dhesẹ uyoyou nọ o rẹ hiẹ hẹ kẹe re. Eme ma re ru nọ u re dhesẹ nọ ma you Jihova? Ma re koko izi riẹ, te uzi nọ o ta nọ ma fiobọhọ kẹ ahwo “zihe ruọ ilele.”—Mt 28:19; 1Jọ 5:3.

Kporo IVIDIO na Dhesẹ Uyoyou nọ O rẹ Hiẹ Hẹ Evaọ Odibọgba Na. Kẹsena whọ vẹ nọ ogbotu na enọ nana:

Ẹvẹ uyoyou u re ro fiobọhọ kẹ omai ta usi uwoma na

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Odibọgba Na.” Ọsẹ nọ a dhesẹ evaọ ividio na ọ wezẹ fihọ agbara nọ ọ keria nọ o no iruo te uwou.

nọ oma o tẹ rrọ omai no?

Uyo ra

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Odibọgba Na.” Ọzae nọ a gwọlọ ta usi uwoma kẹ nọ eva e be dha gaga o bi doku ọsẹ na avọ ọmọ riẹ nọ a gbẹ rrọ usi uwoma.

nọ ahwo a gbẹ be gaviezọ họ?

Uyo ra

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Odibọgba Na.” Oni nọ a dhesẹ evaọ ividio na avọ ọmọtẹ riẹ a be ta ẹme kugbe ọmọtẹ jọ nọ o bi ru iruo evaọ uwou eki nọ a rrọ na.

nọ ma te kpohọ ore hayo obọ eki?

Uyo ra

9. Uwuhrẹ Ebaibol Ukoko

(Iminiti 30) bt uzou 12 ¶14-20