AHRẸ 22-28

EWARE AGHAE NỌ E RRỌ EBAIBOL NA

1. Jihova Họ Ọnọ Ọ be Wọ Owha Mai Kẹdẹ Kẹdẹ

(Iminiti 10)

Jihova ọ rẹ gaviezọ kẹ elẹ mai jẹ kẹ uyo rai (Ol 66:19; w23.05 12 ¶15)

Jihova ọ rẹ rẹrote ahwo nọ akpọ ọ be bẹ (Ol 68:5; w10 12/1 23 ¶6; w09 4/1 21 ¶1)

Jihova o bi fiobọhọ kẹ omai kẹdẹ kẹdẹ (Ol 68:19; w23.01 19 ¶17)

Iwoho na: Oniọvo-ọmọtẹ nọ ọ be lẹ evaọ oke sa-sa evaọ okpẹdoke na. 1. Ọ be lẹ evaọ irioke nọ ọ rọwo ze. 2. Avọ emọ riẹ a be lẹ taure a te ti kpohọ isukulu. 3. Ọ be lẹ evaọ obọ iruo.

RORO KPAHE ONANA: Ẹvẹ ma sae rọ kuvẹ re Jihova ọ wọ owha mai?

2. Eware Aghae nọ Whọ Kiẹ Via

(Iminiti 10)

Ol 68:18—Evaọ oke emọ Izrẹl, amono a se “ezae nọ e rrọ ekẹ”? (w06 7/1 19 ¶12)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 66:1-20 (th uwuhrẹ 11)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 3) NO UWOU RUỌ UWOU. Orẹwho hayo ẹvẹrẹ ohwo nọ whọ be ta usi uwoma kẹ na u wo ohẹriẹ no ọra. (lmd uwuhrẹ 5 ugogo ẹme 3)

5. Ozihebro

(Iminiti 4) NO UWOU RUỌ UWOU. Wha ta kpahe omobe-ovẹvẹ nọ whọ nyaseba kẹe evaọ oke ọsosuọ nọ whọ rọ ta usi uwoma kẹe. (lmd uwuhrẹ 9 ugogo ẹme 3)

6. Fiobọhọ kẹ Ahwo Zihe Ruọ Ilele

(Iminiti 5) lff uwuhrẹ 15 ẹme emuhọ gbe ugogo ẹme 1-3 (th uwuhrẹ 8)

UZUAZỌ OLELEIKRISTI

7. Kọ Whọ Sai Fiobọhọ kẹ Ohwo jọ re Owha Riẹ U Vori Omojọ?

(Iminiti 15) Ẹme nọ a rẹ kpahe fihọ.

Nọ odibo Ọghẹnẹ o te bi lele ebẹbẹ muabọ, jọ o roro vievie he inọ o wo ohwo ho. (2Ir 20:15; Ol 127:1) Ma wo Jihova, ọye o bi fiobọhọ kẹ omai. (Aiz 41:10) Ẹvẹ Jihova o bi ro fiobọhọ kẹ omai? Ọ be rọ Ebaibol na gbe ukoko riẹ kpọ omai họ edhere. (Aiz 48:17) Ọ be rọ ẹzi ọfuafo riẹ nọ o wo ẹgba gaga na fiobọhọ kẹ omai. (Luk 11:13) Ọ rẹ jẹ rọ inievo ukoko na tuduhọ omai awọ je fiobọhọ kẹ omai nọ oware jọ o tẹ kare omai. (2Kọ 7:6) Onana u dhesẹ nọ Jihova ọ sae rọ ohwo kpobi evaọ usu mai fiobọhọ kẹ oniọvo nọ o wo ẹbẹbẹ, re owha riẹ u vori omojọ.

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Ukoko Na—Rọkẹ Enọ E Kpako No.” Sista Paulina Sántiz Gómez ọ be hwẹ yọ o dikihẹ aro uwou riẹ.

Kporo IVIDIO na Dhesẹ Uyoyou nọ O rẹ Hiẹ Hẹ Evaọ Ukoko Na—Rọkẹ Enọ E Kpako No. Kẹsena whọ vẹ nọ ogbotu na onọ nana:

Eme whọ rẹ sai ru kẹ inievo nọ e kpako no re owha rai u vori omojọ?

Uyo ra

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Ukoko Na—Rọkẹ Enọ E Rrọ Iruo Odibọgba Oke-Kpobi.” Joseph DeVito avọ aye riẹ Anita a rrọ usi uwoma.

Kporo IVIDIO na Dhesẹ Uyoyou nọ O rẹ Hiẹ Hẹ Evaọ Ukoko Na —Rọkẹ Enọ E Rrọ Iruo Odibọgba Oke-Kpobi. Kẹsena whọ vẹ nọ ogbotu na onọ nana:

Eme whọ rẹ sai ru kẹ inievo nọ e rrọ iruo odibọgba oke-kpobi na re owha rai u vori omojọ?

Uyo ra

Uwoho nọ a rehọ no ividio na ze “Dhesẹ Uyoyou nọ O rẹ Hiẹ Hẹ Evaọ Ukoko Na—Rọkẹ Erara.” Bill Zeng avọ aye riẹ Maggie a bi wuhrẹ ohwo jọ obe yọ a be hwẹ.

Kporo IVIDIO na Dhesẹ Uyoyou nọ O rẹ Hiẹ Hẹ Evaọ Ukoko Na—Rọkẹ Erara. Kẹsena whọ vẹ nọ ogbotu na onọ nana:

Eme whọ rẹ sai ru kẹ inievo nọ akpọ ọ rrọ gaga kẹ re owha rai u vori omojọ?

Uyo ra

8. Uwuhrẹ Ebaibol Ukoko

(Iminiti 30) bt uzou 13 ¶1-7, eme emuhọ abọ 5, gbe ẹkpẹti nọ ọ rrọ ẹwẹ. 103