ARIA 5-11

EWARE AGHAE NỌ E RRỌ EBAIBOL NA

1. “Vuẹ Oge nọ Ọ be Tha” Kpahe Ogaga Ọghẹnẹ

(Iminiti 10)

Jihova o fiobọhọ kẹ Devidi nọ ọ jọ ọmaha (Ol 71:5; w99 9/1 24 ¶17)

Devidi ọ ruẹ nọ Jihova ọ gbẹ be rẹrotei nọ ọ make kpako no (Ol 71:9; g04 10/8 23 ¶3)

Devidi o gbiku eware nọ ọ rọ ẹro ruẹ kẹ ahwo nọ a gbẹ maha rọ tuduhọ ae awọ (Ol 71:17, 18; w14 1/15 23 ¶4-5)

Uviuwou nọ a dhesẹ evaọ abọ ewuhrẹ oka nukpo nọ uzoẹme riẹ o jọ “Eware nọ E rẹ Lẹliẹ Egagọ Uviuwou Were Ziezi.” A zizie oniọvo jọ avọ aye riẹ nọ a kpako no ziọ egagọ uviuwou rai. A be gaviezọ nọ oniọvo na avọ aye riẹ a bi dhesẹ ifoto kẹ ae je bi gbiku uzuazọ rai kẹ ae, yọ eva e be were ae.

NỌ OMARA NỌ, ‘Oniọvo vẹ nọ o kri ukoko na no me ti ziezi re o kuomagbe omai evaọ Egagọ Uviuwou mai, re o gbiku uzuazọ riẹ kẹ omai?’

2. Eware Aghae nọ Whọ Kiẹ Via

(Iminiti 10)

Ol 72:8—Ẹvẹ eyaa nọ Jihova ọ ya kẹ Abraham nọ e rrọ Emuhọ 15:18 i ro rugba okenọ Solomọn ovie na o je su? (it-1 768)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 71:1-24 (th uwuhrẹ 5)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 3) NO UWOU RUỌ UWOU. Ohwo na ọ gwọlọ lele owhẹ vro avro, kẹsena whọ tẹ rọ areghẹ ku ẹme na họ ababọ eva nọ e dha riẹ. (lmd uwuhrẹ 4 ugogo ẹme 5)

5. Ozihebro

(Iminiti 4) USI UWOMA OKE-GHEGHE. Wariẹ ta usi uwoma kẹ omoni ra jọ nọ whọ ta usi uwoma kẹ oke jọ, rekọ o be ruọ ẹe oma ha re o wuhrẹ Ebaibol. (lmd uwuhrẹ 8 ugogo ẹme 4)

6. Ta Oware nọ Whọ Rọwo kẹ Amọfa

(Iminiti 5) Ẹme nọ A re Ru Ovavo. ijwfq 49—Uzoẹme: Fikieme Isẹri Jihova A ro Nwene Iwuhrẹ Rai Jọ? (th uwuhrẹ 17)

UZUAZỌ OLELEIKRISTI

7. Epanọ A Sai ro Ru Egagọ Uviuwou

(Iminiti 15) Ẹme nọ a rẹ kpahe fihọ.

Uviuwou ovona a dikihẹ bi wuhrẹ ole ukoko na jọ.

Uviuwou na a bi rri ividio JW Broadcasting.

Ọmọtẹ rai jọ avọ oni riẹ a bi ru odhesẹvia evaọ Egagọ Uviuwou rai, yọ ọmọtẹ na ọ be ta ẹme kẹ oni na.

Egagọ Uviuwou nọ uviuwou u re ru evaọ owọwọ nọ a fihọ u wuzou gaga keme u re fiobọhọ kẹ emọ riẹ “ọwhọkuo gbe ehrẹ Jihova.” (Ẹf 6:4) Re emọ a wuhrẹ oware riẹ, a re ru iruo fihọ iẹe jẹ daoma ziezi. Rekọ ukuhọ riẹ, eva e rẹ were ae, maero nọ uzẹme nọ o rrọ Ebaibol u te mu emọ na họ ẹwere no. (Jọ 6:27; 1Pi 2:2) Wha ta kpahe ẹkpẹti na “Eware nọ A Sai ro Ru Egagọ Uviuwou,” re esẹgbini a riẹ oghẹrẹ nọ a sai ro ru Egagọ Uviuwou rai were ziezi, ohwo kpobi o ve je wo erere noi ze. Kẹsena whọ vẹ nọ inievo na enọ nana:

Ọvẹ evaọ usu eware nana whọ te gwọlọ ru?

Uyo ra
Kọ who muẹrohọ emamọ oware ofa jọ nọ a sai ro ru egagọ uviuwou?

Uyo ra

EWARE NỌ A SAI RO RU EGAGỌ UVIUWOU

EBAIBOL:

Wha gaviezọ kẹ isase Ebaibol oka yena nọ a se do via, hayo wha sae ghale oria Ebaibol na fihọ omoma rai re wha sei do via. Otẹrọnọ ahwo sa-sa a ta ẹme evaọ oria Ebaibol na, wha sae ghale ae fihọ omarai
Nọ wha bi se isase Ebaibol ẹkpoka na, wha rọ enọ jọ lahwe. Kẹsena ohwo kpobi ọ vẹ rehọ ọvuọ onọ riẹ nọ ọ rẹ kiẹ kpahe. Nọ o je ru ekiakiẹ na no, ọ vẹ vuẹ uviuwou na oware nọ ọ kiẹ via
Wha sae nọ onọ jọ hayo fi ẹme jọ h’otọ, kẹsena wha vẹ kiẹ kpahe ehrẹ Ebaibol nọ e ta kpahe iẹe evaọ obe Eria Ebaibol nọ I re Fiobọhọ kẹ Omai Gọ Jihova
Wha rọ iku Ebaibol jọ ru edrama
Wha hai kere oria Ebaibol jọ fihọ ẹwẹ-obe koka koka, wọhọ enọ e rrọ ibroshọ You Ahwo—Fiobọhọ kẹ Ae Jọ Ilele, ẹme-ofiba 1, wha vẹ daoma riẹ oria Ebaibol na fihọ uzou. Wha hai je rri enọ wha kere fihọ ẹwẹ-obe evaọ eka nọ i kpemu sọ wha gbẹ kareghẹhọ ae
Wha wuhrẹ oria jọ evaọ obe Reawere Uzuazọ Bẹdẹ Bẹdẹ! na
Vuẹ ohwo jọ evaọ uwou na re ọ ruẹrẹ ẹme jọ kpahe nọ ọ rẹ rehọ no oria “Enọ nọ Ebaibol Ọ Kẹ Iyo Rai” hayo “Eria Ebaibol nọ A Ru Vẹ” na ze. Oria IWUHRẸ EBAIBOL nọ o rrọ jw.org wha rẹ jọ ruẹ izoẹme nana

IWUHRẸ:

Wha ruẹrẹ oma kpahe kẹ abọjọ ewuhrẹ oka yena
Wha ruẹrẹ uyo nọ wha te kẹ kpahe. Jọ uyo na u theri ga hrọ họ
Wha wuhrẹ ile ukoko na
Wha ruẹrẹ eme jọ kpahe nọ wha te rọ tuduhọ ohwo jọ awọ evaọ ewuhrẹ nọ wha te nya oka yena, taure ewuhrẹ o te ti muhọ, hayo nọ ewuhrẹ o te kuhọ no
Nọ ohwo jọ o te wo ẹme nọ o ti ru evaọ obọ ewuhrẹ, jọ ọ kaki ru ei kẹ ahwo uviuwou na

USI UWOMA OTA:

Wha ruẹrẹ oma kpahe kẹ usi uwoma no uwou ruọ uwou
Wha ruẹrẹ oma kpahe kẹ izihebro rai
Wha roro kpahe oke nọ uvẹ o rẹ sai rovie re wha ta usi uwoma oke-gheghe, wha vẹ ruẹrẹ ẹme nọ wha rẹ sae ta kpahe
Wha ma omaa jọ kpahotọ nọ wha te rọ ta usi uwoma ziezi evaọ ezi Ekareghẹhọ uwhu Jesu hayo nọ wha tẹ rrọ ilivi hayo ehọlide

ẸGWỌLỌ UVIUWOU NA:

Wha rọ eware jọ nọ ahwo uviuwou na a rẹ sae rẹriẹ ovao dhe ro ru odhesẹvia. Eware wọhọ ẹme isuẹsu, ẹme-ọgwọlọ, usu ọmọtẹ avọ ọmọzae, gbe ehaa nọ i no Ebaibol ze he
Wha ru odhesẹvia nọ ọsẹgboni a re ro ru wọhọ nọ ae họ emọ, kẹsena emọ na a ve ru wọhọ nọ ae họ ọsẹgboni. Jọ emọ na a ru ekiakiẹ kpahe ẹme jọ, a vẹ rehọ iẹe kẹ ọsẹgboni rai ohrẹ

EWARE EFA NỌ WHA RẸ SAI RU:

Wha rri ividio JW Broadcasting^® jọ re wha ta kpahe oware nọ wha wuhrẹ noi ze
Wha se uzoẹme jọ hayo rri ividio jọ evaọ jw.org, re wha rehọ iẹe jiroro
Wha rri ividio jọ hayo se uzoẹme jọ evaọ oria “Emọ Ikpe Ikpegbọ gbe Izoge nọ I Te Ahwo No” hayo oria “Emọ.” Wha rẹ ruẹ izoẹme nana evaọ oria IWUHRẸ EBAIBOL nọ o rrọ jw.org
Wha ta kpahe eware nọ wha kere fihotọ evaọ okokohọ ọsese hayo ologbo jọ nọ wha nya kẹle na
Wha romatotọ rri oware jọ nọ Ọghẹnẹ ọ ma hayo ru ekiakiẹ kpahe iẹe, re wha ta kpahe oware nọ u wuhrẹ owhai kpahe Jihova
Ẹmẹsejọ, wha zizie oniọvo jọ ze re o kuomagbe owhai evaọ egagọ uviuwou rai, kẹsena wha vẹ nọe re o gbiku omariẹ kẹ owhai
Wha fi itee jọ họ evaọ egagọ Ọghẹnẹ, kẹsena wha vẹ ta kpahe epanọ wha ti ro le ai te obọ
Whai uviuwou na soso wha ru oware jọ kugbe. Wha sae bọ oware jọ, wọhọ okọ Noa, hayo wuhrẹ kpahe emapo gbe echate nọ e rrọ Ebaibol Efafa Akpọ Ọkpokpọ na gbe ebe ukoko na

Kporo IVIDIO na Hai Ru Egagọ Uviuwou Ra Were Ziezi. Kẹsena whọ vẹ nọ ogbotu na onọ nana:

Eme ọzae o re ru re egagọ uviuwou rai ọ were aye riẹ ziezi otẹrọnọ emọ e gbẹ rrọ uwou na ha?

Uyo ra

8. Uwuhrẹ Ebaibol Ukoko

(Iminiti 30) bt uzou 13 ¶17-24