ARIA 18-24

• Itẹ 27:21—Oghẹrẹ vẹ ujiro o rẹ rọ dawo omai? (w06 11/1 28 ¶13)

  Uyo ra

• Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

  Uyo ra

Jihova o ru nọ ma ro wo inievo evaọ akpọ na soso. Yọ ma sae jọ usu rai ruẹ emamọ egbẹnyusu nọ i you omai. Dede nọ ma re lele ahwo nọ ma gbẹ rrọ ukoko riẹ yeri ziezi, bro ahwo evaọ usu rai a ginẹ rrọ egbẹnyusu ekpekpe mai? Re usu imava e sae kpekpe ziezi, o gwọlọ nọ a rẹ riẹ epanọ eware e rrọ kẹ ohwohwo, fievahọ ohwohwo, lele ohwohwo ta ẹme ẹsikpobi, je ru eware kugbe. Fikiere ma sae ta nọ re ohwo ọ sai wo emamọ ogbẹnyusu, usu na o vẹ jẹ tọ, o rrọ oware asohẹrioke he yọ o gwọlọ iruo re.

Se Itẹ 17:17. Kẹsena whọ vẹ nọ ogbotu na onọ nana:

• Fikieme o rọ roja re ma wo emamọ egbẹnyusu enẹna taure uye ulogbo na o te ti muhọ?

  Uyo ra

Se 2 Ahwo Kọrint 6:12, 13. Kẹsena whọ vẹ nọ ogbotu na onọ nana:

• Eme oria Ebaibol nana ọ ta nọ ma ru re ma sae wo emamọ egbẹnyusu?

  Uyo ra

Kporo IVIDIO ODHESẸVIA na “Oware Kpobi U Wo Oke Riẹ”—O rẹ Rehọ Oke re Ma te Wo Emamọ Egbẹnyusu. Kẹsena whọ vẹ nọ ogbotu na onọ nana:

• Eme whọ jọ ividio na wuhrẹ kpahe epanọ a re ro wo emamọ egbẹnyusu?

  Uyo ra

Wọhọ epanọ a rẹ kọ ubi fihọ otọ, a vẹ jẹ hai ku ame ku ei re ọ sae dhẹ ze na, epọvo na ma re ru nọ ma tẹ gwọlọ wo emamọ egbẹnyusu. Ma tẹ gwọlọ mu usu kugbe ohwo, ma re yere iei sasasa, je lele iei ta eme ehwẹ. Re usu na o sae ga ziezi, ma rẹ hai ru eware jọ ro fiobọhọ kẹe. Riẹ nọ onana o te rehọ omoke, rekọ ruabọhọ iẹe. Who je ti rri hi na, who wo ogbẹnyusu nọ usu rai o rẹ fa vievie he no.