ARIA 11-17

EWARE AGHAE NỌ E RRỌ EBAIBOL NA

1. Kẹnoma kẹ “Ohwo Ogheghẹ” Lelele

(Iminiti 10)

“Ohwo ogheghẹ” o fo ọghọ họ (Itẹ 26:1; it-2 729 ¶6)

“Ahwo ogheghẹ” a rẹ gwọlọ obọ ogaga (Itẹ 26:3; w87 10/1 19 ¶12)

Whọ rẹ sai fievahọ “ohwo ogheghẹ” hẹ (Itẹ 26:6; it-2 191 ¶4)

OTOFA: Nọ a tẹ jọ Ebaibol fodẹ “ohwo ogheghẹ,” yọ a be ta kpahe ohwo nọ o re yo orọ omọfa ha, yọ ọ rẹ daezọ izi Jihova ha.

Oniọvo-ọmọzae nọ ọ be nyasiọ emọ eklase riẹ nọ a bi rri oware jọ evaọ ifonu rai ba.

2. Eware Aghae nọ Whọ Kiẹ Via

(Iminiti 10)

Itẹ 26:4, 5—Fikieme owọ avọ 4 o rọ ta nọ ma kẹ ohwo ogheghẹ uyo wọhọ epaọ ugheghẹ riẹ hẹ, owọ avọ 5 o tẹ ta nọ ma kẹ ohwo ogheghẹ uyo wọhọ epaọ ugheghẹ riẹ? (it-1 846)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Itẹ 26:1-20 (th uwuhrẹ 5)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 3) NO UWOU RUỌ UWOU. Rọ omobe-ovẹvẹ ta usi uwoma kẹ ohwo na. (lmd uwuhrẹ 1 ugogo ẹme 5)

5. Ozihebro

(Iminiti 4) NO UWOU RUỌ UWOU. Lele ohwo na gbẹ ta kpahe omobe-ovẹvẹ nọ whọ kẹ riẹ evaọ okenọ wha rọ kake ruẹro. (lmd uwuhrẹ 7 ugogo ẹme 4)

6. Fiobọhọ kẹ Ahwo Zihe Ruọ Ilele

(Iminiti 5) Fiobọhọ kẹ ohwo nọ who bi wuhrẹ obe re ọ sae ta usi uwoma kẹ imoni riẹ. (lmd uwuhrẹ 11 ugogo ẹme 5)

UZUAZỌ OLELEIKRISTI

7. Hai Wuhrẹ Ẹme Ọghẹnẹ, re Whọ Sai Wo “Areghẹ nọ O rẹ Wha Esiwo Ze”

(Iminiti 15) Ẹme nọ a rẹ kpahe fihọ.

Iwoho na: 1. Oniọvo-ọmọtẹ nọ o bi ru ewuhrẹ omobọriẹ evaọ obọ uwou. A bi dhesẹ ividio ẹvẹrẹ obọ rọ t’ẹme evaọ ekọmputa riẹ. 2. Oniọvo-ọmọzae nọ ọ be jọ ifonu riẹ ru ewuhrẹ omobọriẹ evaọ oke ibreki, yọ ọ thọrọ eware nọ a rẹ rọ gaviezọ kẹ ile họ ezọ riẹ. 3. Oniọvo-ọmọtẹ nọ ọ kpako no ọ be jọ “JW Library” nọ ọ rrọ ifonu riẹ ru oware jọ. 4. Aye jọ nọ ọ be jọ “JW Library” dhesẹ oware jọ kẹ ọmọzae riẹ evaọ obọ ewuhrẹ.

Pọl ukọ na ọ kareghẹhọ Timoti epanọ Ikereakere Efuafo na nọ o wuhrẹ no emaha ze i wuzou te. Eware nana nọ Timoti ọ riẹ na i fiobọhọ kẹe wo “areghẹ nọ o rẹ wha esiwo ze.” (2Ti 3:15) Ẹme Ọghẹnẹ o wuzou gaga, fikiere o roja re Oleleikristi kpobi ọ ruẹrẹ oke jọ họ nọ o re ro se Ebaibol na je wuhrẹ iẹe. Kọ otẹrọnọ obe-use o rẹ were omai hi?

Se 1 Pita 2:2. Kẹsena whọ vẹ nọ ogbotu na enọ nana:

Kọ Ebaibol na ọ sae ginẹ were omai ese?

Uyo ra
Ẹvẹ ma sai ro “wo isiuru” egaga kẹ Ẹme Ọghẹnẹ?—w18.03 29 ¶6

Uyo ra
Ẹvẹ eware nọ ukoko na u ru nọ ma sai ro se Ebaibol na evaọ ifonu hayo ekọmputa mai i re ro fiobọhọ kẹ omai wuhrẹ eware buobu?

Uyo ra

Kporo IVIDIO Eware nọ Ukoko na U Ru No—Eware nọ I re Fiobọhọ kẹ Omai Rehọ JW Library Ruiruo Ziezi. Kẹsena whọ vẹ nọ ogbotu na enọ nana:

Ẹvẹ JW Library^® u ro fiobọhọ kẹ owhẹ no?

Uyo ra
Eware jọ vẹ e rẹ jọ JW Library^® were owhẹ gaga?

Uyo ra
Eware efa vẹ whọ gwọlọ gbẹ riẹ kpahe JW Library^®?

Uyo ra

8. Uwuhrẹ Ebaibol Ukoko

(Iminiti 30) lfb uwuhrẹ 8-9