AZIE 22-28

EWARE AGHAE NỌ E RRỌ EBAIBOL NA

1. Wha Gbẹ Hai Wuhrẹ Oge nọ Ọ be Tha

(Iminiti 10)

[Kporo IVIDIO na Eware nọ Ma rẹ Sai Wuhrẹ Evaọ Obe Ọtausiuwoma Na.]

O gwọlọ nọ inievo nọ e kpako no a re wuhrẹ inievo nọ e gbẹ maha (Ọt 1:4; w17.01 27-28 ¶3-4)

Nọ ma te bi wuhrẹ ahwo jẹ be kẹ ae iruo re a ru, ẹsiẹe a re ro wo evawere evaọ iruo Jihova (Ọt 2:24)

Ọkpako ukoko nọ ọ gbẹ dina maha o bi ru uwuhrẹ “Uwou-Eroro” na, yọ oniọvo ọfa nọ ọ kpako vi ei gaga nọ o bi se kẹe ọ be whẹ rri rie. — Who du dhozọ họ re who wuhrẹ inievo-emezae nọ e gbẹ maha evaọ ukoko na, fikinọ who roro nọ a ti mi owhẹ iruo ra no

2. Eware Aghae nọ Whọ Kiẹ Via

(Iminiti 10)

Ọt 1:1—Oghẹrẹ iruo vẹ Solomọn o je ru nọ a ro sei “okokahwohọ?” (w69 11/15 682 ¶5)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ọt 1:1-18 (th uwuhrẹ 11)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 2) USI UWOMA OKE-GHEGHE. Muẹrohotọ re whọ riẹ uzoẹme nọ o were ohwo na. Kẹsena wha vẹ ta kpahe epanọ wha te rọ ta kpahe iẹe evaọ oke ọfa. (lmd uwuhrẹ 3 ugogo ẹme 5)

5. Epanọ A re ro Mu Ẹme Họ

(Iminiti 2) USI UWOMA OTA ẸGBEDE. Jọ oria “Iwuhrẹ Ebaibol nọ Ma be Hai Wuhrẹ Ahwo” nọ ọ rrọ ẹme-ofiba 1 evaọ obe You Ahwo na salọ uzoẹme jọ rọ ta usi uwoma. (lmd uwuhrẹ 2 ugogo ẹme 3)

6. Ozihebro

(Iminiti 2) ZIHE BRU OHWO NỌ WHỌ RUẸ EVAỌ USI UWOMA OKE-GHEGHE. Kuyo onọ jọ nọ ohwo na ọ nọ evaọ oke ọsosuọ nọ whọ rọ ta usi uwoma kẹe. (lmd uwuhrẹ 9 ugogo ẹme 5)

7. Fiobọhọ kẹ Ahwo Zihe Ruọ Ilele

(Iminiti 5) NYABRU OHWO NỌ WHỌ RUẸ EVAỌ USI UWOMA ẸGBEDE. Mu uwuhrẹ Ebaibol họ kugbei, kẹsena wha vẹ jẹ ta kpahe epanọ wha te hai ro wuhrẹ. (lmd uwuhrẹ 10 ugogo ẹme 3)

UZUAZỌ OLELEIKRISTI

8. Eware Esa nọ I Wuzou nọ Ma rẹ Kareghẹhọ nọ Ma te bi Wuhrẹ Amọfa

(Iminiti 15) Ẹme nọ a rẹ kpahe fihọ.

Iwoho na: Inievo-emezae nọ i bi wuhrẹ amọfa. 1. Oniọvo-ọmọzae nọ o bi wuhrẹ oniọvo-ọmọtẹ jọ epanọ a rẹ rọ ẹjini nọ a re ro bru ire ru iruo evaọ oria nọ a be jọ ru iruo ebabọ. 2. Oniọvo-ọmọzae nọ ọ kpako no nọ o bi rri oniọvo-ọmọzae ọfa nọ o bi ru ẹme riẹ kẹe evaọ Ọgwa-Uvie nọ ohwo ọvo ọ rrọ họ. Oniọvo-ọmọzae nọ ọ kpako no na o kru ibroshọ “Romakẹ Isase Ẹgbede avọ Ewuhrẹ” na họ obọ. 3. Oniọvo-ọmọzae nọ o bi wuhrẹ ọmọzae jọ nọ ọ gbẹ maha epanọ a re ro nwene ebatri emaekrofonu. 4. Ọsẹ jọ nọ avọ emezae ivẹ riẹ a bi ru Ọgwa Uvie rai fo. Ọsẹ na avọ ọmọzae ọkpako riẹ a bi hwere eplatfọmo na yọ ọrọ ọmaha na o bi ririe oria nọ a re fi obe họ jo ru ẹme na. — Ma te you amọfa ma ti wuhrẹ ai ziezi, re ma sai ru iruo nọ Jihova ọ kẹ omai evaọ ukoko na

Ma rẹ jọ Ebaibol na ruẹ iku ahwo buobu nọ a wuhrẹ amọfa nọ ma rẹ sae rọ aro kele. Wọhọ oriruo, Samuẹle o wuhrẹ Sọl, Elaejah o wuhrẹ Elaesha, Jesu o wuhrẹ ikọ riẹ, yọ Pọl o wuhrẹ Timoti. Rekọ evaọ usu iriruo nana kpobi, Jihova ọ rẹ mae riẹ ohwo wuhrẹ kpaobọ. Ẹvẹ oriruo Jihova ọ sai ro fiobọhọ kẹ omai wuhrẹ amọfa ziezi?

Kporo IVIDIO na Wuhrẹ Amọfa Wọhọ Epanọ Jihova O re Ru (Jọn 5:20)—Amabọ Jọ Riẹ. Kẹsena whọ vẹ nọ ogbotu na onọ nana:

Eware esa vẹ ma rẹ sai wuhrẹ mi Jihova evaọ oghẹrẹ nọ o re ro wuhrẹ ahwo?

Uyo ra

9. Uwuhrẹ Ebaibol Ukoko

(Iminiti 30) lfb uwuhrẹ 20-21