Oware nọ Whọ rẹ Sai Se Kpahe

Kọ whọ be hai se ikuigbe uzuazọ inievo mai?

Oniọvo jọ avọ aye riẹ a re se ikuigbe uzuazọ inievo mai kohiohiẹ kohiohiẹ. A ta nọ: “Iku inievo mai nọ ma be hai se na, e be bọ omai ga. O lẹliẹ omai ruẹ nọ makọ oghẹrẹ uye nọ o te omai kpobi kẹhẹ, ma sai kru ẹrọwọ mai wọhọ epanọ inievo mai a bi ru na.” Oniọvo-ọmọtẹ jọ ọ ta ọkpọ ẹme otiọye na re. Ọ ta nọ: “Who te bi se iku na, e rẹ da ruọ ohwo oma yọ e rẹ lẹliẹ oma sasa ohwo. Inievo na a bi yeri emamọ uzuazọ yọ iku rai o be lẹliẹ omẹ wo ajọwha usi uwoma. Yọ u ru nọ mẹ be hae rọ vuẹ emọ mẹ ẹsikpobi re a jọ iruo odibọgba oke-kpobi na.”

Hai se iku inievo mai. Who te bi ru ere, whọ te gbẹ daoma viere evaọ ukoko na, siobọno iruemu nọ i fo ho, je thihakọ ebẹbẹ yọ eva e be were owhẹ vrẹ. Kọ diẹse whọ sae jọ ruẹ iku na se?

• Kpohọ jw.org hayo JW Library® re who rri oria “Iku Uzuazọ Isẹri Jihova.”

• Whọ sai je kpohọ Watchtower ONLINE LIBRARY^™ hayo Watchtower Library, who ve kere fihọ oria “search” na nọ “Life Stories of Jehovah’s Witnesses.”