Uwuhrẹ 12

Adhẹẹ O Dhesẹ kẹ Uzuazọ gbe Azẹ

Ẹvẹ ma re riwi uzuazọ? (1) evakpare? (1)

Ẹvẹ Ileleikristi a ro dhesẹ nọ a wo ẹruọsa oma onwa họ iroro? (2)

Kọ o thọ re a kpe erao? (3)

Eme họ iruemu jọ nọ i dhesẹ ababọ adhẹwẹ kẹ uzuazọ? (4)

Eme họ uzi Ọghẹnẹ kpahe azẹ? (5)

Kọ onana u kugbe azẹ o se fihọ oma? (6)

1. Jihova họ Ehri uzuazọ. Uzuazọ eware nọ e be rria kpobi e rọ obọ Ọghẹnẹ. (Olezi 36:9) Uzuazọ o rọ fuafo kẹ Ọghẹnẹ. Makọ uzuazọ ọmọ nọ a ri yẹ hẹ nọ ọrọ eva oni riẹ ọ re ghaghae kẹ Jihova. Re a rehọ aruro kpe ọmọ ọyena nọ ọ be rro ze na o rẹ thọthọ eva aro Ọghẹnẹ.—Ọnyano 21:22, 23; Olezi 127:3.

2. Ileleikristi uzẹme a rẹ yọrọ oma rai kpahe oma onwa. A re muẹrohọ inọ imoto gbe iwou rai e kare eware enwoma. (Iziewariẹ 22:8) Idibo Ọghẹnẹ a re fi izuazọ rai họ enwoma nọ uwotọ ha fiki omawere hayo omosasọ họ. Fikiere a re w’abọ evaọ arozaha-ọjaja ozighi nọ ọ rẹ nwa amọfa oma ha. A rẹ whaha arozaha ọ omawere nọ o rẹ tuduhọ ozighi.—Olezi 11:5; Jọn 13:35.

3. Uzuazọ arao o re ghaghae kẹ Ọnọma na re. Oleleikristi ọ rẹ sai kpe erao re ọ rọ gwọlọ emuore gbe iwu hayo nọ ọ rẹ rọ thọ oma riẹ no ẹyao gbe enwoma. (Emuhọ 3:21; 9:3; Ọnyano 21:28) Rekọ o rọ thọthọ re a rehọ erao ru ugberuo hayo re a kpe ai fiki arozaha-ọjaja gheghe hayo omawere.—Itẹ 12:10.

4. Ewawọ, ẹriọ ibi ure betel, gbe imu egaga elọ fiki omawere yọ iruemu Ileleikristi hi. Iruemu enana e thọ keme (1) i re ru omai họ erigbo rai, (2) e rẹ nwa omai oma, gbe (3) e rọ gbegbe. (Ahwo Rom 6:19; 12:1; 2 Ahwo Kọrint 7:1) O rẹ sae jọ bẹbẹ re ohwo ọ nyase iruemu enana ba. Rekọ ma re ru ere hrọ re ma tẹ sai ru Jihova evawere.

5. Azẹ ọ rọ ghaghae re evaọ aro Ọghẹnẹ. Ọghẹnẹ ọ ta nọ ẹwẹ na, hayo uzuazọ, o rọ evaọ azẹ na. Fikiere o thọ re a riọ azẹ. O tẹ jẹ thọ re a riọ uwo arao nọ azẹ o hwẹ no oma riẹ ziezi hi. Otẹrọnọ arao ọ fia whu hayo o whu evaọ ẹta, u fo re a riẹe he. Otẹrọnọ a rọ o se hayo ọwhunu sae, a re bru ei ohọre vẹrẹ vẹrẹ hrọ otẹrọnọ a te riẹe.—Emuhọ 9:3, 4; Iruo-Izerẹ 17:13, 14; Iruẹru 15:28, 29.

6. Kọ o thọ re a se azẹ fihọ oma? Kareghẹhọ, Jihova ọ gwọlọ nọ ma sioma no azẹ. Onana u dhesẹ nọ ma rẹ rehọ azẹ amọfa fihọ oma mai evaọ edhere ọvo ho hayo makọ azẹ obọ mai nọ a se fihọ oria jọ họ. (Iruẹru 21:25) Fikiere Ileleikristi uzẹme a re se azẹ fihọ oma ha. A rẹ rehọ oghẹrẹ esiwo imu efa, wọhọ ese fihọ eware efa nọ e kare azẹ. A gwọlọ nọ a rẹ rria, rekọ a rẹ daoma siwi uzuazọ rai ẹkwoma ẹraha izi Ọghẹnẹ hẹ.—Matiu 16:25.

[Pictures on page 25]

Re ma ru Ọghẹnẹ evawere, ma rẹ whaha azẹ o se fihọ oma, iruemu igbegbe, gbe enwoma nọ i wotọ họ