Uwuhrẹ 15

Obufihọ kẹ Amọfa re A Ru Oreva Ọghẹnẹ

Fikieme whọ jẹ vuẹ amọfa kpahe eware nọ who bi wuhrẹ na? (1)

Ono whọ rẹ sae ghale emamọ usi na kugbe? (2)

Oghẹrẹ vẹ uruemu ra o sai ro kpoma họ amọfa? (2)

Oke vẹ whọ sai ro kpohọ usiuwoma ota kugbe ukoko na? (3)

1. Enẹna, who wuhrẹ emamọ eware buobu no Ebaibol na ze no. Eriariẹ enana i re su kpohọ ẹruorote uruemu Oleleikristi ra. (Ahwo Ẹfẹsọs 4:22-24) Eriariẹ itieye na e rọ oja re whọ sai wo uzuazọ ebẹdẹ bẹdẹ. (Jọn 17:3) Ghele na, o gwọlọ nọ amọfa a re yo emamọ usi na re re ae oma rai a sai wo esiwo. Ileleikristi uzẹme kpobi a rẹ ta usiuwoma kẹ amọfa hrọ. Onana yọ ujaje Ọghẹnẹ.—Ahwo Rom 10:10; 1 Ahwo Kọrint 9:16; 1 Timoti 4:16.

2. Whọ sae muhọ ẹkwoma ẹghale eware iwoma nọ who bi wuhrẹ na kugbe ahwo nọ e kẹle owhẹ. Ta eware na kẹ uviuwou, egbẹnyusu, ibe-isukulu, gbe ibe-iruiruo ra. Jọ wowou avọ odiri nọ who bi ru erei. (2 Timoti 2:24, 25) Kareghẹhọ nọ ahwo a re rri uruemu ohwo vi epanọ a rẹ gaviezọ kẹ eme nọ ọ ta. Fikiere emamọ uruemu ra o sai si amọfa re a gaviezọ kẹ ovuẹ nọ whọ ta kẹ ai.—Matiu 5:16; 1 Pita 3:1, 2, 16.

3. Nọ oke o be nyaharo na, whọ sai ti te re who mu usiuwoma họ ẹta kugbe ukoko Isẹri Jihova. Onana yọ owojẹ nọ u wuzou evaọ ẹnyaharo ra. (Matiu 24:14) Ẹvẹ o te jọ oware oghọghọ te otẹrọnọ whọ sai fiobọhọ kẹ omọfa re ọ jọ odibo Jihova je wo uzuazọ ebẹdẹ bẹdẹ!—1 Ahwo Tẹsalonika 2:19, 20.