Emajiki Gbe Eda Yọ Eware Iyoma

Setan ọ gwọlọ nọ who ru emajiki. Ahwo buobu a re dheidhe kẹ esemọ hayo imizi re a thọ oma rai no enwoma. A re ru onana keme a be dhozọ ogaga akpọ imizi na. A rẹ wha emero emajiki hayo ẹgba. A rẹ da hayo wholo “imu” nọ i wo ogaga emajiki. Ahwo jọ a si ekwakwa jọ no fihọ iwou rai hayo evaọ otọ nọ a rọwo nọ i wo ogaga ọthọwẹ. Amọfa a re ru “imu” emajiki keme a rọwo nọ o te wha obokparọ ze evaọ iruo, ẹdawọ okere isukulu, hayo usu ọ enọ e be te rọo.

Ọthọwẹ nọ ọ mai woma k’owhẹ mukpahe Setan họ re who wo Jihova wọhọ ogbẹnyusu ra. Jihova Ọghẹnẹ avọ enjẹle riẹ a ga vi Setan avọ idhivẹri riẹ thethabọ. (Jemis 2:19; Eviavia 12:9) O rrọ Jihova oja re o dhesẹ ẹgba riẹ rọ thothọ egbẹnyusu riẹ—enọ e romakpotọ kẹe riẹriẹriẹ.​—2 Iruẹru-Ivie 16:9.

Ẹme Ọghẹnẹ ọ ta nọ: ‘Wha ru emajiki hi.’ Jihova o mukpahe iruo emajiki gbe eda keme iruemu eyena e rẹ sai fi ohwo họ otọ ogaga Setan Ẹdhọ na.​—Iruo-Izerẹ 19:26.