Eme A Rọwo?

ISẸRI JIHOVA a rọwo Ọghẹnẹ Erumeru na, Jihova, Ọnọma idhiwu gbe akpọ na. Igbunu ona ughrighriri nọ o rrọ ehrugbakpọ nọ ọ wariẹ omai họ na u dhesẹ gbagba nnọ Ọmemama jọ nọ o wo ogaga gbe areghẹ kpobi ọye ọ ma rai kpobi. Wọhọ epanọ iruo ezae gbe eyae i re dhesẹ oghẹrẹ ohwo nọ a rrọ via na, ere erọ Jihova Ọghẹnẹ e rrọ re. Ebaibol na ọ ta k’omai nọ “eware riẹ nọ a te ruẹ no emuhọ akpọ na ze he a be rue rẹ ai vevẹ enẹna, a tẹ rehọ eware nọ ọ ma na bi ro riwi ai muẹ.” Ofariẹ, ababọ urru gbe eme, “ihru e [be] ta oruaro Ọghẹnẹ via.”—Ahwo Rom 1:20; Olezi 19:1-4.

Ahwo a re mu ma othẹ hayo ru etẹlivisiọne gbe kọmputa ha. Otọakpọ na gbe emama ekakọ gbe erao riẹ e tubẹ mai gbunu dede. Ugboma ohwo-akpọ avọ egẹgẹ-uzuazọ ima-ima buobu riẹ i kpehru vi otoriẹ mai—makọ ẹvori nọ ma bi ro roro na dede o gbunu thesiwa! Otẹrọnọ ahwo a wo ẹjiroro nọ a rọ ma eware nọ i bu ona tere he, ababọ avro Jihova Ọghẹnẹ o wo ẹjiroro evaọ emama igbunu riẹ! Itẹ 16:4 o ta nọ o wo ẹjiroro: “ỌNOWO na ọ ma eware kpobi kẹ ọvuọ iruo riẹ.”

Jihova ọ ma otọakpọ na avọ ẹjiroro jọ, wọhọ epanọ ọ ta kẹ ọzae avọ aye ọsosuọ na: “Wha yẹ, wha vi, re wha vọ evaọ akpọ na . . . ; re wha wuzou iyei obọ abade gbe evra obọ ehru gbe eware kpobi nọ i wo uzuazọ nọ e be nya evaọ akpọ na.” (Emuhọ 1:28) Fikinọ a ghẹmeeyo, ọzae avọ aye nana a sae rehọ iviuwou ikiẹrẹe, nọ e rẹ rehọ uyoyou rẹrote otọakpọ na gbe ekakọ avọ erao riẹ, rọ vọ otọakpọ na ha. Rekọ ekie rai u ru ẹjiroro Jihova kie he. Ikpe udhusoi-akuakpe buobu evaọ obaro, a kere nọ: ‘Ọghẹnẹ, ọnọ o ru akpọ na, . . . ọ ma riẹ gheghe he.’ Ọ “ma [riẹ] re a ria ae.” A te raha iẹe he, “rekọ otọ na o rẹ jọ bẹdẹ.” (Aizaya 45:18; Ọtausiuwoma Na 1:4) Ẹjiroro Jihova kẹ otọakpọ na o ti rugba: “Ẹjiroro mẹ ọ rẹ rẹriẹ hẹ, me re ru ẹjiroro mẹ gba.”—Aizaya 46:10.

Fikiere, Isẹri Jihova a rọwo inọ otọakpọ na o te jọ bẹdẹ bẹdẹ gbe nnọ ahwo kpobi, te enọ e rrọ uzuazọ gbe iwhuowhu, enọ i ru lele ẹjiroro Jihova kẹ otọakpọ uwowoma na a te rria ae bẹdẹ bẹdẹ. Ahwo-akpọ kpobi a riuku sebaẹgba mi Adamu avọ Ivi, a tẹ rọ ere zihe ruọ erahaizi. (Ahwo Rom 5:12) Ebaibol na ọ ta k’omai nọ: “Uwhu họ osa eware uyoma.” “Enọ e rọ uzuazọ a riẹ nọ a reti whuẹ, rekọ iwhuowhu e riẹ oware ovo ho.” “[Ẹwẹ, NW ] nọ o ruthọ o re ti whuẹ.” (Ahwo Rom 6:23; Ọtausiuwoma Na 9:5; Izikiẹl 18:4, 20) Kọ ẹvẹ a sae rọ wariẹ rria re a w’obọ evaọ eghale otọakpọ na? Ajokpaọ ẹkwoma idhe ẹtanigbo Kristi Jesu ọvo, keme ọ ta nọ: “Mẹ họ ẹkparomatha gbe uzuazọ: ọ nọ ọ rọwo omẹ makọ o whu no, ọ rẹ te zọ.” “Enọ e rọ eva [uki] kpobi i je ti yo uru riẹ, a vẹ te nya via.”— Jọn 5:28, 29; 11:25; Matiu 20:28.

Ẹvẹ onana o te rọ via? A ru rie vẹ evaọ “ovuẹ usiuwoma uvie na,” onọ Jesu o muhọ ewhowho evaọ okenọ ọ jọ otọakpọ. (Matiu 4:17-23) Rekọ nẹnẹ Isẹri Jihova a bi whowho emamọ usi na evaọ edhere obọdẹ.

[Omaa Iyẹrẹ-iruo nọ e rrọ ẹwẹ-obe avọ 13]

EWARE NỌ ISẸRI JIHOVA A RỌWO

Orọwọ Eria Ikereakere

Ebaibol yọ Ẹme Ọghẹnẹ yọ ọ 2 Tim. 3:16, 17; 2 Pita 1:20, 21; rrọ uzẹme Jọn 17:17

A re fievahọ Ebaibol vi Mat. 15:3; Kọl. 2:8 uruemu anwae

Odẹ Ọghẹnẹ họ Jihova Ol. 83:18, KJ; Aiz. 26:4; 42:8, AS; Ọny. 6:3

Kristi yọ Ọmọ Ọghẹnẹ yọ o Mat. 3:17; Jọn 8:42; 14:28; kpotọ vi Ei 20:17; 1 Kọr. 11:3; 15:28

Kristi họ omama ọsosuọ Ọghẹnẹ Kọl. 1:15; Evia. 3:14

Kristi o whu evaọ ure, Gal. 3:13; Iruẹru 5:30 orọnikọ ure-uwhere he

Uzuazọ ohwo-akpọ Kristi o Mat. 20:28; 1 Tim. 2:5, 6; hwosa wọhọ ẹtanigbo kẹ 1 Pita 2:24 ahwo-akpọ ẹmeoyo

Idheidhe ẹsiẹvo Kristi o te Rom 6:10; Hib. 9:25-28

A kpare Kristi no iwhuowhu 1 Pita 3:18; Rom 6:9; ze wọhọ ohwo ẹzi nọ o re Evia. 1:17, 18 whu hu

Ẹzino Kristi o rrọ evaọ oma Jọn 14:19; Mat. 24:3; 2 Kọr. 5:16; ẹzi Ol. 110:1, 2

Obọnana ma rrọ “edẹ urere” na Mat. 24:3-14; 2 Tim. 3:1-5; Luk 17:26-30

Uvie evaọ otọ Kristi u ti su Aiz. 9:6, 7; 11:1-5; otọakpọ evaọ ẹrẹreokie gbe Dan. 7:13, 14; udhedhẹ Mat. 6:10

Uvie na u ti ru iyero ẹrria Ol. 72:1-4; Evia. 7:9, 10, 13-17; otọakpọ woma 21:3, 4

A te raha otọakpọ na ha hayo Ọtausi. 1:4; Aiz. 45:18; a ti si ahwo kpobi noi hi Ol. 78:69

Ọghẹnẹ ọ te raha uyerakpọ Evia. 16:14, 16; Zẹf. 3:8; nana no evaọ ẹmo Amagẹdọn Dan. 2:44; Aiz. 34:2; 55:10, 11

A te raha irumuomu no bẹdẹ Mat. 25:41-46; 2 Tẹs. 1:6-9 bẹdẹ

Ahwo nọ Ọghẹnẹ ọ jẹrehọ a ti Jọn 3:16; 10:27, 28; 17:3; wo uzuazọ ebẹdẹ bẹdẹ Mak 10:29, 30

Edhere ọvuọvo ọ rrọ kpohọ Mat. 7:13, 14; Ẹf. 4:4, 5 uzuazọ

Uzioraha Adamu o wha uwhu Rom 5:12; 6:23 ohwo-akpọ ze

Ẹwẹ ohwo-akpọ ọ rẹ seba Izik. 18:4; Ọtausi. 9:10; ẹrria eva oke uwhu Ol. 6:5; 146:4; Jọn 11:11-14

Ehẹle yọ uki ohwo-akpọ Job 14:13, Dy; Evia. 20:13, 14, AV (eme akotọ)

Ẹruore iwhuowhu họ 1 Kọr. 15:20-22; Jọn 5:28, 29; ẹkparomatha 11:25, 26

Uwhu nọ Adamu ọ wha ze u 1 Kọr. 15:26, 54; Evia. 21:4; ti kuhọ Aiz. 25:8

Uthuru okakao 144,000 ọvo u Luk 12:32; Evia. 14:1, 3; ti kpohọ odhiwu je lele 1 Kọr. 15:40-53; Kristi su Evia. 5:9, 10

A rehọ ẹzi wholo 144,000 na 1 Pita 1:23; Jọn 3:3; wọhọ emọ abọ-ẹzi Ọghẹnẹ Evia. 7:3, 4

A riọvọ ọkpokpọ kugbe Izrẹl Jẹri. 31:31; Hib. 8:10-13 abọ-ẹzi

A bọ ukoko Kristi fihọ ehru Ẹf. 2:20; Aiz. 28:16; ọye omariẹ Mat. 21:42

Jihova ọvo a rẹ lẹ se Jọn 14:6, 13, 14; 1 Tim. 2:5 ẹkwoma Kristi

A rẹ gọ egagọ ẹkwoma emama Ọny. 20:4, 5; Izerẹ 26:1; ha 1 Kọr. 10:14; Ol. 115:4-8

A rẹ whaha uruemu-imizi Izie. 18:10-12; Gal. 5:19-21; Izerẹ 19:31

Setan họ osu akpọ na nọ a 1 Jọn 5:19; 2 Kọr. 4:4; rẹ ruẹ hẹ Jọn 12:31

Oleleikristi o re w’obọ evaọ 2 Kọr. 6:14-17; 11:13-15; ọgwakugbe erọwọ họ Gal. 5:9; Izie. 7:1-5

Oleleikristi ọ rẹ hẹrioma no Jas. 4:4; 1 Jọn 2:15; akpọ na Jọn 15:19; 17:16

A re yoẹme kẹ izi ahwo-akpọ Mat. 22:20, 21; 1 Pita 2:12; kpobi nọ e wọso izi Ọghẹnẹ hẹ 4:15

Azẹ nọ a rẹ rehọ unu hayo Emu. 9:3, 4; Izerẹ 17:14; iriẹ rehọ fihọ oma o wọso Iruẹru 15:28, 29 izi Ọghẹnẹ

A re yoẹme kẹ izi Ebaibol 1 Kọr. 6:9, 10; Hib. 13:4; kpahe uruemu hrọ 1 Tim. 3:2; Itẹ 5:1-23

A rehọ uzi ẹdijala na kẹ Izie. 5:15; Ọny. 31:13; Rom 10:4; ahwo Ju ọvo u te je kuhọ Gal. 4:9, 10; Kọl. 2:16, 17 avọ Uzi Mosis na

Utu ahwo-ologbo ichọche gbe Mat. 23:8-12; 20:25-27; edẹ-ova obọdẹ i fo ho Job 32:21, 22

Orọnikọ ohwo o ghroro ze he Aiz. 45:12; Emu. 1:27; rekọ a ma ae Mat. 19:4

Kristi ọ kẹ oriruo nọ a re 1 Pita 2:21; Hib. 10:7; lele hrọ evaọ ẹgọ Ọghẹnẹ Jọn 4:34; 6:38

Ame-ọhọ nọ a rẹ jọ du ohwo Mak 1:9, 10; Jọn 3:23; h’ame leno họ oka omarọkẹ Iruẹru 19:4, 5

Ileleikristi a rẹ rọ evawere Rom 10:10; Hib. 13:15; sisẹri evaọ ẹgbede kẹ uzẹme Aiz. 43:10-12 Ikereakere

[Uwoho nọ o rrọ ẹwẹ-obe avọ 12]

OTỌAKPỌ . . . Jihova ọ ma riẹ . . . ahwo a rẹ rẹro tei . . . jẹ rria ae bẹdẹ bẹdẹ