Wha You Ohwohwo No Eva Ze

1. Uyoyou re n’eva mai ze,

Etẹe u re muhọ no ze;

U re ruomai wo ọdawẹ

K’inievo ghaghae mai.

Ma rẹ gwọlọ re ma dhesẹ

Uyoyou nọ o r’eva mai,

Ma rẹ raro kel’Ọghẹnẹ,

You amọfa ziezi.

Joma tudu h’amọfa,

Fiobọhọ kẹ en’uye r’oma,

Ma rẹ reh’uvẹ kpobi

Ruewoma k’ahwo kpobi.

Joma rọ adhẹẹ k’amọfa;

Ọdawẹ rẹ j’uruemu mai.

Kpomovuọ h’inievo mai hi.

Ma re you rai n’evaze,

Re ma ruẹsi w’okugbe.

2. Ma te wo uvi uyoyou,

Ma rẹ te kaki muofu hu;

Ma rẹ sai fi eva mai họ

Inievo mai kpobi.

Ma re mu emamọ usu;

Ma re rri ’nievo mai ghaghae.

Ma rẹ r’oghọghọ kuomagbe,

Re ma b’ohwohwo ga.

Mai kpobi be hai ruthọ;

Eme yoma rẹ wh’idhọvẹ ze.

Ma rẹ sae jọ wowolẹ

Kẹ en’Ọghẹnẹ mai you.

Ma rẹ ginẹ j’egbẹnyusu,

Ma rẹ bae ga ẹsikpobi.

Ja riẹ nọ whẹ ohwo yoyou,

Rehọ orro k’Ọghẹnẹ;

Raro kel’uyoyou riẹ.