Ono Họ Ọghẹnẹ Uzẹme Na?

Ọghẹnẹ uzẹme ọvo ọ riẹ, Jihova họ odẹ riẹ. (Olezi 83:18) Ẹzi ọ rrọ; ma rẹ sae ruẹ e riẹ hẹ. O you omai, yọ ọ gwọlọ nọ ma you rie re. Ọ tẹ jẹ gwọlọ nọ ma you amọfa. (Matiu 22:35-40) Ọye họ Ọnọ ọ mai Kpehru, Ọnọ ọ ma eware kpobi.

Omama ọsosuọ nọ Ọghẹnẹ ọ ma yọ omama ẹzi ologbo, ọnọ ma riẹ uwhremu na wọhọ Jesu Kristi. Jihova ọ ma ikọ-odhiwu re.

Jihova ọ ma eware kpobi nọ e rrọ odhiwu . . . gbe otọakpọ. Eviavia 4:11

Jihova Ọghẹnẹ ọ ma isi na, otọakpọ na, gbe eware kpobi nọ e rrọ eva riẹ.—Emuhọ 1:1.

Ẹkpẹ otọ na ọ rehọ ma Adamu, ọzae ọsosuọ na.—Emuhọ 2:7.