ABỌ AVỌ 3

Ẹvẹ Uzuazọ O Jọ Evaọ Aparadase nọ Ọ Vrẹ Na?

Jihova ọ kẹ Adamu avọ Ivi eware iwoma buobu. Emuhọ 1:28

Nọ Jihova ọ ma Ivi no, ọ tẹ rehọ iẹe se Adamu

Jihova ọ ma aye ọsosuọ na, Ivi, ọ tẹ rehọ iẹe kẹ Adamu re ọ jọ aye riẹ.—Emuhọ 2:21, 22.

Jihova ọ ma rai gbagba evaọ ugboma gbe iroro.

Adamu avọ Ivi a bi rri Aparadase nọ a jọ na

Ọgbọ Idẹn ọ jọ uwou aparadase rai—oria uwowoma nọ erao e jọ, nọ ethẹ gbe ire nọ e rẹ mọ ibi e jọ.

Jihova ọ jẹ hae ta ẹme kẹ ae; ọ jẹ hai wuhrẹ ae eware. A hae gaviezọ kẹe, a hae te rria bẹdẹ bẹdẹ evaọ Aparadase evaọ otọakpọ na.

Ọghẹnẹ ọ ta nọ a re ubi ure ọvo jọ họ. Emuhọ 2:16, 17

Ure nọ o jọ ọgbọ na nọ Jihova ọ vuẹ Adamu avọ Ivi inọ a du re he na

Jihova o dhesẹ ure jọ kẹ Adamu avọ Ivi evaọ ọgbọ na jẹ vuẹ ae nọ a re ubi riẹ hẹ, inọ a tẹ re iẹe a ti whu.

Setan Ẹdhọ na, nọ ọ jọ ukọ-odhiwu omuomu, ọ rehọ araomuomu ta ẹme kẹ Ivi

Ọjọ evaọ usu ikọ-odhiwu na ọ wọso Ọghẹnẹ. Ukọ-odhiwu omuomu yena họ Setan Ẹdhọ na.

Setan ọ gwọlọ nọ Adamu avọ Ivi a yoẹme kẹ Jihova ha. Ọ tẹ rehọ ẹkwoma araomuomu vuẹ Ivi inọ ọ tẹ re ubi ure yena, o ti whu hu, ukpoye ọ te jọ wọhọ Ọghẹnẹ. Rekọ ọrue ọ ta na.—Emuhọ 3:1-5.