A Gaviezọ kẹ Setan—Eme O No Rie Ze?

Adamu avọ Ivi a yoẹme kẹ Ọghẹnẹ hẹ, fikiere a te whu. Emuhọ 3:6, 23

Ivi ọ gaviezọ kẹ araomuomu na, ọ tẹ re ubi ure na. Uwhremu na, ọ tẹ rehọ iẹe kẹ Adamu, Adamu ọ tẹ re iẹe.

Oware nọ a ru na o thọ—yọ uzioraha. Ọghẹnẹ o te le ai no Aparadase nọ a jọ na.

Uzuazọ o tẹ jọ bẹbẹ kẹ ae gbe emọ rai. A who, a te whu. A kpohọ uvumọ akpọ izi hi; uzuazọ rai u kuhọ.

Ahwo nọ a whu no a gbe wo uzuazọ họ, a wọhọ ẹkpẹ gheghe. Emuhọ 3:19

Ma bi whu nẹnẹ fikinọ oma Adamu avọ Ivi ma no ze. Ahwo nọ a whu no a rẹ sae ruẹ ude, hayo yo ẹme, hayo ru oware ovo ho.—Ọtausiuwoma Na 9:5, 10.

O jọ ẹjiroro Jihova re ahwo a whu hu. Kẹle na, ọ te kpare enọ i whu no ze uzuazọ. Nọ a tẹ gaviezọ kẹe, a te rria bẹdẹ bẹdẹ.