ABỌ AVỌ 5

Owhe Ologbo na—Amono A Gaviezọ? Amono A Gaviezọ Họ?

Ahwo buobu evaọ oke Noa a je ru eyoma. Emuhọ 6:5

Ikọ-odhiwu imuomu nọ i nwene oma ahwo-akpọ rehọ a lele eyae wezẹ

Adamu avọ Ivi a yẹ emọ, ahwo a tẹ te jọ buobu evaọ otọakpọ na. Nọ u te oke jọ, ikọ-odhiwu jọ a te ti kuomagbe Setan evaọ ọwọsuọ riẹ.

A ziọ obọ otọakpọ obonẹ, nwene oma ahwo-akpọ rehọ re a sae rehọ eyae kẹ omarai. Eyae na i te yẹ emọ nọ e ga thesiwa nọ e geva gaga.

Aye nọ ọ wọ ọmọ ọboba, yọ ọmọzae riẹ ọ be gwọlọ bọ riẹ; Emọ ikọ-odhiwu imuomu nọ a se Nẹfilim na a je ru ozighi

Ahwo nọ a bi ru eware iyoma a tẹ te vọ otọakpọ na. Ebaibol na ọ ta nọ: “Umuomu ohwo-akpọ o re ruaro evaọ otọakpọ na yọ eware kpobi nọ ọ be jọ udu riẹ roro ẹsikpobi eyoma ọvo.”

Noa ọ gaviezọ kẹ Ọghẹnẹ, o te ku okọ. Emuhọ 6:13, 14, 18, 19, 22

Noa ọ jọ emamọ ohwo. Jihova ọ vuẹ Noa inọ ọ be te rehọ owhe ologbo raha ahwo omuomu.

Ọghẹnẹ ọ tẹ jẹ ta kẹ Noa inọ o ku okọ ulogbo jọ, re o fi uviuwou riẹ gbe oghoghẹrẹ erao kpobi họ eva riẹ.

Noa nọ ọ be vẹvẹ ahwo unu kpahe Owhe nọ ọ be tha na, rekọ ahwo na a be hwẹe

Noa ọ vẹvẹ ahwo unu kpahe Owhe nọ ọ be tha na, rekọ a gaviezọ họ. Ejọ e jẹ hwẹ Noa; efa i mukpahe iẹe.

Noa avọ uviuwou riẹ a bi koko erao na họ ruọ evaọ okọ na

Nọ Noa o ku okọ na re no, o te su erao na ruọ eva riẹ.