Eme Ma Wuhrẹ No Owhe Ologbo na Ze?

Ọghẹnẹ ọ raha ahwo omuomu na rekọ o siwi Noa avọ uviuwou riẹ. Emuhọ 7:11, 12, 23

Oso ọ rrọ edẹ udhuvẹ gbe aso udhuvẹ, ame ọ tẹ vọ otọakpọ na kpobi. Ahwo omuomu na kpobi a te whu.

Ikọ-odhiwu nọ e ghẹmeeyo na a nyasiọ ugboma ohwo-akpọ rai ba, a te no ere zihe ruọ idhivẹri.

Ahwo nọ a jọ evaọ okọ na a zọ. Dede nọ Noa avọ uviuwou riẹ a whu uwhremu na, Ọghẹnẹ ọ te kpare ae ziọ uzuazọ, a vẹ te rria bẹdẹ bẹdẹ.

Ọghẹnẹ ọ te wariẹ raha irumuomu je siwi ahwo owoma. Matiu 24:37-39

Setan avọ idhivẹri na a gbe bi su ahwo thọ.

Wọhọ epanọ o jọ evaọ edẹ Noa, ahwo buobu nẹnẹ a be gaviezọ kẹ ehrẹ Jihova ha. Jihova ọ te raha ahwo oyoma kpobi no kẹle.—2 Pita 2:5, 6.

Ahwo jọ a wọhọ Noa. A be gaviezọ kẹ Ọghẹnẹ je bi ru oware nọ ọ ta; ahwo nana họ Isẹri Jihova.