UWUHRẸ 1

Emuhọ Ẹme nọ O re Wo Ẹgba

Iruẹru Ikọ 17:22

OWARE NỌ O GWỌLỌ: Ru re emuhọ ẹme ra o ru ahwo wo isiuru kpahe oware nọ whọ be te ta na. Fodẹ oware nọ whọ be te ta ẹme kpahe na, re who je dhesẹ oware nọ o rọ gwọlọ nọ enọ e be gaviezọ kẹ owhẹ na a re wo isiuru kpahe ẹme na.

EPANỌ A RE RO RU EI:

Kpare isiuru ahwo. Salọ onọ jọ, hayo ta ẹme jọ, fodẹ oware jọ nọ o via, hayo usi jọ nọ ahwo a te gwọlọ yo.

Kaki roro kpahe eware nọ i re si ahwo nọ whọ te ta ẹme kẹ na urru gbe eware nọ e rrọ ae oja re whọ rehọ ae mu ẹme ra họ.
Fodẹ oware nọ whọ be te ta kpahe na. Ruẹ nọ ẹme emuhọ ra o re ru oware nọ whọ be te ta kpahe na gbe ẹjiroro ẹme ra vẹ ziezi kẹ enọ e be gaviezọ kẹ owhẹ.
Dhesẹ oware nọ ẹme na o ro wuzou. Ru re enọ e be gaviezọ kpobi a ruẹ oghẹrẹ nọ ẹme na o ro kpomahọ uzuazọ rai. Jọ a ruẹ vevẹ oghẹrẹ nọ ẹme na o ti ro fiobọhọ kẹ ae.

Whọ tẹ be ruẹrẹ oma kpahe kẹ ẹme, nọ omara nọ, ‘Eware vẹ inievo emezae gbe erọ emetẹ nọ e rrọ ukoko mẹ a be rẹriẹ ovao dhe?’ Kẹsena who ve fi eware itieye na ba ẹme emuhọ ra.