Oware Nọ Ma Wuhrẹ Mi Jesu

Kpahe Uvie Ọghẹnẹ

Eme họ Uvie Ọghẹnẹ?

Uvie Ọghẹnẹ yọ egọmeti nọ Ọghẹnẹ o ro mu nọ u ti su otọakpọ na soso. Jesu ọ ta nọ: “Fikiere wha lẹ epa onana: . . . Uvie ra oze, epanọ a rọ obọ odhiwu ru orọ eva ra, ru re a jọ akpọ na ru ere re.”—Matiu 6:9, 10; Daniẹl 2:44.

Amono a te jọ isu evaọ Uvie Ọghẹnẹ?

A yẹ Jesu re ọ jọ Osu ọrọ Uvie Ọghẹnẹ. Ẹnjẹle ọ ta kẹ oni Jesu nọ: “Ọnowo na Ọghẹnẹ ọ rẹ te kẹe akaba-uvie Devidi Ọsẹ riẹ. Ọ rẹ te ria uvie.” (Luk 1:30-33) U te no ere no, Jesu ọ salọ ilele riẹ jọ re a lele iei su. Ọ ta kẹ ikọ riẹ nọ: “Whai họ enọ ilele omẹ gbẹ jọ eva ẹdawọ mẹ; epanọ ọsẹ mẹ ọ rehọ uvie mu kẹ omẹ, ere me ro mu kẹ owhai re.” (Luk 22:28, 29; Daniẹl 7:27) Unu ahwo nọ a ti lele Jesu su a bu te idu udhuhrẹ gbe ene (144,000).—Eviavia 5:9, 10; 14:1.

Bovẹ esuo Uvie Ọghẹnẹ o ti no ze?

Obọ odhiwu Uvie Ọghẹnẹ u ti su no ze. Jesu ọ ta kẹ ilele riẹ nọ: “Mẹ be nya e ruẹrẹ eria kẹ owhai [evaọ obọ odhiwu]. . . . Mẹ jẹ te tha mẹ vẹ te rehọ owhai, re oria nọ mẹ rọ wha rẹ te jọ etẹe re. . . . Mẹ be nya bru Ọsẹ na.”—Jọn 14:2, 3, 12; Daniẹl 7:13, 14.

Eme Uvie Ọghẹnẹ u ti ru kpahe emuemu?

Jesu o ti si ahwo omuomu no akpọ na no. Jesu ọ ta nọ: “Nọ Ọmọ ohwo [Jesu] ọ te tha eva oruaro riẹ, gbe ikọ-odhiwu kpobi a viẹ, kẹsena ọvẹ te keria ehru akaba oruaro riẹ. Erẹwho kpobi i re ti kuku aro riẹ ọ vẹ te hẹriẹ ae ọjọ nọ ọjọ . . . Enana [iru-umuomu] e rẹ nya kpo obọ [ọraha] bẹdẹ bẹdẹ, rekọ [ikiẹrẹe] i re kpo obọ uzuazọ ebẹdẹ bẹdẹ.”—Matiu 25:31-34, 46.

Amono a te rria otọakpọ evaọ otọ esuo Uvie Ọghẹnẹ?

Jesu ọ ta nọ: “Ahwo nọ a te rọ oma kpotọ eva e were ae, keme arẹ te ria akpọ na.” (Matiu 5:5; Olezi 37:29; 72:8) Akpọ na soso ọ te vọ avọ ahwo nọ a bi wuhrẹ epanọ a re ro dhesẹ uyoyou kẹ ohwohwo makọ enẹna. Jesu ọ ta kẹ ilele riẹ nọ: “Mẹ kẹ owhai uzi okpokpọ, nọ, whai ohwo o you ohwo wọhọ epanọ me you owhai, re whai ohwo o you ohwo. Fiki onana ahwo kpobi a jẹ riẹ nọ whai ilele mẹ re whai ohwo o te you ohwo.”—Jọn 13:34, 35.

Eme Uvie Ọghẹnẹ u ti ru kẹ ahwo evaọ otọakpọ?

Jesu o ti siwi eyao ahwo-akpọ kpobi. Okenọ Jesu ọ jọ otọakpọ, ọ “ta ẹme uvie Ọghẹnẹ” kẹ ogbotu ahwo je “siwi enọ e guọlọ usiwo.” (Luk 9:11) Nọ ọ ruẹ Jesu nọ a kpare no uwhu ze no na evaọ eruẹaruẹ, Jọn ukọ na ọ tẹ ta nọ: “Mẹ ruẹ odhiwu ọkpokpọ gbe akpọ ọkpokpọ . . . Me te yo uru ulogbo jọ nọ u no obọ odhiwu ze ta nọ, ‘Rri oria ẹria Ọghẹnẹ o rọ udevie ahwo . . . Ọghẹnẹ o ve ti ririe irui kpobi no aro rai; uwhu o gbẹte jọ ofa ha.’”—Eviavia 21:1-4.

Uvie Ọghẹnẹ u ti zihe Aparadase ziọ otọakpọ. Orumuomu jọ nọ a kare kẹle Jesu ọ ta nọ: “Jesu roro omẹ, okenọ whọ ze ogaga uvie ra.” Jesu ọ tẹ ta kẹe nọ: “Uzẹme mẹ ta kẹ [owhẹ nẹnẹ na], who re ti lele omẹ jọ obọ Paradais.”—Luk 23:42, 43; Aizaya 11:4-9.

Rọkẹ evuẹ efa, rri uzou avọ 8 orọ obe na Eme Ebaibol na

O Gine Wuhrẹ?a

[Oruvẹ-obotọ]