Kọ Whọ Kareghẹhọ?
Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:
• Ebẹbẹ ilogbo vẹ Ileleikristi jọ a rẹriẹ ovao ku nọ a rọo no, kọ eme a rẹ daoma ru?
Ileleikristi jọ a rẹ sae ruẹ inọ eware buobu nọ e rẹ were ọrivẹ-orọo rai, e rẹ were ae he. Nọ a riẹ inọ orọo-ofa nọ o rọwokugbe Ikereakere na ha o thọ na, a rẹ daoma gaga re a ruẹ nọ a daji orọo na.—4/15, ẹwẹ-obe avọ 17.
• Ebẹbẹ vẹ Oleleikristi nọ ọ rrọ uwou ẹruorote ọ rẹ sae rẹriẹ ovao ku?
Ẹsejọhọ ọ riẹ ukoko nọ u wo ẹkwotọ nọ uwou ẹruorote na o rrọ họ. Ibuobu nọ e rrọ uwou ẹruorote na a rẹ sae jọ egagọ efa, fikiere a rẹ sae gwọlọ gbae họ re o dhomahọ iruẹru egagọ rai. U fo re imoni oniọvo nọ ọ kpako no na gbe ahwo ukoko na a riẹ kpahe ebẹbẹ nana, a vẹ gbẹ edhere nọ a re ro fi obọ họ jẹ rẹro tei.—4/15, ẹwẹ-obe avọ 25-27.
• Owojẹ ene vẹ e rẹ sai fi obọ họ kẹ ọzae avọ aye ku ebẹbẹ họ?
Ruẹrẹ oke họ nọ wha rẹ rọ ta ẹme kpahe ẹbẹbẹ na. (Ọtausi. 3:1, 7) Ta eriwo ra avọ adhẹẹ, who si oware ovuovo no ho. (Ẹf. 4:25) Gaviezọ kẹ ọdawẹ ọrivẹ ra je dhesẹ inọ who vuhu eriwo riẹ mu. (Mat. 7:12) Wha rọwokugbe oware ovo nọ wha roro nọ o rẹ sai ku ẹbẹbẹ na họ. (Ọtausi. 4:9, 10)—July-September, ẹwẹ-obe avọ 24-26.
• Okenọ Jesu ọ ta kẹ omai inọ ma lẹ kẹ erọvrẹ osa-oriọ mai, osa-oriọ vẹ o wo họ iroro?
Ma tẹ rehọ Matiu 6:12 wawo Luk 11:4 u ru rie vevẹ inọ orọnikọ osa-oriọ igho Jesu o wo họ iroro ho. Oware nọ o wo họ iroro họ izieraha. Ma rẹ raro kele Ọghẹnẹ ẹkwoma amọfa nọ ma rẹ rọ vrẹ no eva ze.—5/15, ẹwẹ-obe avọ 9.
• Egbẹgwae vẹ a ghale inievo nọ e rrọ Ugboma Esuo na fihọ?
Ogbẹgwae Ẹruọsa; Ogbẹgwae Ẹruorote Iruo Iwou-Ogha; Ogbẹgwae Ebe-Iwhowho; Ogbẹgwae Iruo Ukoko; Ogbẹgwae Ewuhrẹ; Ogbẹgwae Ebe-Ikere.—5/15, ẹwẹ-obe avọ 29.
• Kọ uruemu nọ a dhesẹ eva Ahwo Rom 1:24-32 na u kie kpahe ahwo Ju manikọ ahwo erẹwho Egedhọ?
O sai kie kpahe eko ahwo ivẹ na, rekọ emọ Izrẹl Pọl ọ jẹ mae tẹme na kpahe, enọ i kiuke ku Ọghẹnẹ no. A riẹ izi ikiẹrẹe Ọghẹnẹ, rekọ a koko i rai hi.—6/15, ẹwẹ-obe avọ 29.
• Fikieme efihọ itee nọ ma rẹ sai le tobọ u re ro fiba oghọghọ mai?
Ma te bi le itee nọ e rro vi omai oma, ma ti wo idhọvẹ. Evaọ abọdekọ riẹ, ma rẹ daoma re ma siọ oyẹlẹ ba ẹmọ evaọ iruo odibọgba Ileleikristi na fiki eware jọ nọ ma rehọ wọhọ ebẹbẹ.—7/15, ẹwẹ-obe avọ 29.