UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • w11 1/1 ẹwẹ. 10
  • “Ọnọ O re Yo Elẹ”

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • “Ọnọ O re Yo Elẹ”
  • Uwou-Eroro Na Nọ U Bi Whowho Uvie Jihova—2011
  • Onọ O Wọhọ E Riẹ
  • Oghẹrẹ Ohwo Vẹ Elẹ Mẹ I bi Dhesẹ nọ Mẹ Rrọ?
    Uzuazọ Oleleikristi gbe Usi Uwoma Ota Mai—Obe Ewuhrẹ—2023
  • Jiri Jihova, Ọghẹnẹ nọ O re Yo Elẹ
    Uzuazọ Oleleikristi gbe Usiuwoma Ota Mai—Obe Ewuhrẹ—2016
  • “Ọ Riẹ Iroro Emọ Ahwo”
    Uwou-Eroro Na Nọ U Bi Whowho Uvie Jihova—2011
Uwou-Eroro Na Nọ U Bi Whowho Uvie Jihova—2011
w11 1/1 ẹwẹ. 10

Si Kẹle Ọghẹnẹ

“Ọnọ O re Yo Elẹ”

1 IRUẸRU-IVIE 4:9, 10

KỌ Jihova Ọghẹnẹ ọ rẹ ginẹ kẹ uyo elẹ nọ idibo riẹ nọ e roma kẹe a lẹ no udu ze? Ikuigbe ekpẹkpẹe jọ evaọ Ebaibol na kpahe ọzae jọ nọ a re se Jabez i dhesẹ inọ Jihova ginọ “ọnọ o re yo elẹ.” (Olezi 65:2) Ma rẹ ruẹ ikuigbe ekpẹkpẹe nana evaọ oria nọ ohwo o re rẹro riẹ hẹ—evaọ udevie ekele uyẹ ahwo nọ a ro mu ikuigbe obe Iruẹru-Ivie Ọsosuọ họ. Joma roma totọ kiẹ obe 1 Iruẹru-Ivie 4:9, 10 riwi.

Awọ ivẹ Ebaibol nana ọvo a jọ ta ẹme te Jabez. Wọhọ epanọ owọ avọ 9 o ta, oni riẹ o “se odẹ riẹ Yabez [hayo Jabez], anọ ‘Keme eva uye me je yẹ ei.’”a Kọ fikieme o ro se ọmọ na odẹ utioye? Kọ o sae jọnọ ọ ruẹ edada nọ i thesiwa nọ o je yẹi? Kọ o sae jọnọ ọzae riẹ o whu no okenọ o ro yẹ ọmọ na, fikiere o te je bruenu inọ ọzae riẹ ọ gbẹ rrọ akpọ re a gbe dede ọmọ na ha? Ebaibol e ta ha. Rekọ uzuazọ ọmọzae nana o te wha oghọghọ se oni na ẹdẹjọ. Ẹsejọhọ, inievo Jabez nọ i kiọkọ a jọ emamọ ahwo, rekọ ‘Jabez o wo adhẹẹ vi inievo riẹ.’

Jabez ọ jọ ohwo nọ o se olẹ gboja gaga. O mu olẹ riẹ họ ẹkwoma oghale Ọghẹnẹ nọ ọ yare. Kẹsena, ọ tẹ yare eware esa jọ nọ i dhesẹ nọ o wo ẹrọwọ ọgaga.

Orọ ọsosuọ, Jabez ọ lẹ Ọghẹnẹ nọ: “Ru uwhru mẹ ro.” (Owọ avọ 10) Ọzae nana nọ o wo adhẹẹ na ọ jọ ohwo nọ o je hrowo etọ amọfa ha. O wọhọ nọ ahwo oye ayare erukẹre uwhru riẹ na u kiekpahe, orọnọ etọ họ. Ẹsejọhọ ọ jẹ yare inọ a ru ẹkwotọ riẹ kẹre avọ udhedhẹ, onọ u re ru ei wo amọfa nọ a re kuomagbe ae evaọ egagọ Ọghẹnẹ uzẹme na.b

Orọ avivẹ, Jabez ọ lẹ inọ jọ “obọ” Ọghẹnẹ o jọ kugbei. Obọ Ọghẹnẹ họ ogaga riẹ, onọ o re ro fi obọ họ kẹ otu nọ e be gọe. (1 Iruẹru-Ivie 29:12) Re ọ ruẹsi wo ẹgwọlọ riẹ tobọ, Jabez o bo se Ọghẹnẹ ọnọ obọ riẹ o kpẹre he evaọ obọ ufihọ kẹ otu nọ o fi ẹrọwọ họ iẹe.—Aizaya 59:1.

Orọ Avesa, Jabez ọ lẹ inọ: “Jọ kugbe omẹ, re uye o siọ omẹ ba ete!” Ẹme na, “re uye o siọ omẹ ba ete” o rẹ sai dhesẹ inọ orọnikọ Jabez ọ be lẹ nọ Ọghẹnẹ ọ ko ẹe dhere no uye he, rekọ re eware iyoma e siọ edikihẹ riẹ ba ewhrehe.

Olẹ Jabez u dhesẹ osegboja nọ o wo kẹ egagọ uzẹme, gbe ẹrọwọ avọ evaifihọ nọ o wo kpahe Ọnọ o re yo elẹ na. Eme Jihova o ru kpahe olẹ riẹ na? Ikuigbe ekpẹkpẹe na e rọ ẹme nana kuhọ: “Ọghẹnẹ o te ru ẹguọlọ riẹ kẹ ẹe.”

Ọnọ o re yo elẹ na o ri ti nwene he. Elẹ otu nọ e be gọe e rẹ were iẹe. Ahwo nọ a fi eva gbe ẹrọwọ họ iẹe a rẹ sai wo imuẹro nana: “Ma tẹ yare oware jọ wọhọ [epaọ] oreva riẹ, o re yo kẹ omai.”—1 Jọn 5:14.

[Oruvẹ-obotọ]

a A rehọ odẹ na Jabez no ẹme jọ ze nọ otofa riẹ o rẹ sae jọ “edada.”

b Evaọ abọjọ Ikereakere Hibru na nọ ahwo Ju a fa nọ a re se Targums, a fa ẹme Jabez na enẹ: “Rọ emọ ghale omẹ, je ru uwhru mẹ kẹre avọ ilele.”

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa