ENỌ NỌ EBAIBOL Ọ KẸ IYO RAI
Eme Jesu o ti ru evaọ obaro?
Ukpe 33 C.E. Jesu o ro whu, ọ tẹ kparoma je kpohọ obọ odhiwu. Uwhremu na, Ọghẹnẹ ọ tẹ rehọ Jesu mu Ovie jẹ kẹe ogaga isuẹsu. (Daniẹl 7:13, 14) Kẹle na, Jesu o ti si uvuhu kpobi no otọ jẹ wha udhedhẹ ziọ akpọ na.—Se Olezi 72:7, 8, 13.
Jesu nọ a ro mu Ovie no na, o ti si emuemu kpobi no otọakpọ na
Nọ Jesu o ti su ahwo-akpọ, o ti ru eware iwoma buobu. Ọ te rehọ ogaga nọ Ọsẹ riẹ ọ kẹ riẹ na fi obọ họ ahwo-akpọ te ẹgbagba. Ahwo-akpọ a vẹ te rria akpọ nọ a te jọ who je whu hu.—Se Jọn 5:26-29; 1 Ahwo Kọrint 15:25, 26.
Eme Jesu o bi ru enẹna?
Jesu ọ be kpọ iruo usiuwoma ota nọ ilele riẹ a bi ru evaọ akpọ na soso. A re kpohọ iwou ahwo nyae rọ Ebaibol na wuhrẹ ai kpahe Uvie Ọghẹnẹ. Jesu ọ ta nọ o ti fi obọ họ kẹ ilele riẹ evaọ iruo nana bẹsenọ Uvie Ọghẹnẹ o te raha isuẹsu ahwo-akpọ no.—Se Matiu 24:14; 28:19, 20.
Jesu ọ be rehọ Ileleikristi uzẹme fi obọ họ kẹ ahwo re a yeri emamọ uzuazọ. Jesu o ti siwi Ileleikristi uzẹme no ọraha nọ o ti te akpọ omuomu nana ruọ akpọ ọkpokpọ nọ Ọghẹnẹ ọ ya eyaa riẹ na.—Se 2 Pita 3:7, 13; Eviavia 7:17.