Eme Ma Rẹ Sae Kẹ Jihova?

JESU ọ ta oke jọ nọ: “Ẹkẹ evawere e mae rrọ vi emio.” (Iruẹru 20:35) Ẹme nana o kiekpahe usu mai kugbe Jihova. Evaọ oghẹrẹ vẹ? Jihova ọ kẹ omai eware buobu nọ i bi ru omai wereva, rekọ ma rẹ sai wo evawere vi enẹ nọ ma tẹ kẹ Jihova okẹ. Eme ma rẹ sae kẹ Jihova? Itẹ 3:9 o ta nọ: “Rehọ eyero . . . ra kẹ ỌNOWO na adhẹẹ.” “Eyero” mai u kugbe oke mai, onaa nọ ma wo, ẹgba mai, ugho gbe ekwakwa mai. Ma tẹ be rọ eyero mai wha egagọ uzẹme haro, yọ ma be kẹ Jihova okẹ, onana u re ru omai wo evawere gaga.

Eme o re fiobọhọ kẹ omai nọ ma gbe ro gbabọkẹ okẹ nọ ma rẹ kẹ Jihova ha? Pọl ukọ na ọ ta kẹ Ileleikristi obọ Kọrint nọ a “ruẹrẹ oware jọ fihọ” nọ a re ro ru unevaze. (1 Kọr. 16:2) Eme whọ rẹ sai ru otẹrọnọ whọ gwọlọ riẹ idhere sa-sa nọ a re ro ru unevaze evaọ oria ra? Iviena rri ẹkpẹti nọ ọ rrọ obotọ na.

U wo erẹwho jọ nọ a rẹ sae jọ ru unevaze itanẹte he. Dede na, whọ rẹ sae jọ oria evuẹ jw.org mai nọ a rẹ sae jọ ru unevaze itanẹte na ruẹ evuẹ kpahe idhere efa nọ whọ sai ro ru unevaze. Evaọ erẹwho jọ, a jọ oria evuẹ mai yena kiyo enọ nọ ahwo buobu a nọ no kpahe okẹ unevaze.