Ẹkpẹti Onọ

◼ Kọ u fo re a tehe abọ evaọ okenọ a te whowho ohwo nọ a zihe ziọ ukoko?

Evaọ uyoyou-ẹwo riẹ, Jihova Ọghẹnẹ ọ gbẹ edhere Ikereakere kẹ irumuemu nọ i kurẹriẹ no re a zihe ziọ aruoriwo riẹ je zihe ziọ ukoko Ileleikristi na. (Ol. 51:12, 17) Okenọ onana o tẹ via, a tuduhọ omai awọ re ma dede ohwo otiọye nọ o kurẹriẹ na rehọ.—2 Kọr. 2:6-8.

Makọ ere, epanọ ma rẹ ghọghọ te kẹhẹ okenọ a te zihe omoni hayo ogbẹnyusu mai ziọ ukoko, ohwo kpobi o re ru oma rirẹ avọ adhẹẹ evaọ okenọ a te whowho ẹrehọ-ziheze ohwo na evaọ ukoko na. Uwou-Eroro Na ọrọ October 1, 1998, ẹwẹ-obe avọ 27, o ta enẹ: “Dede na, ma rẹ kareghẹhọ inọ ahwo buobu evaọ ukoko na a riẹ kpahe ugogo oware nọ o wha esino ukoko ohwo hayo ẹrehọ-ziheze riẹ ze he. Fiba onana, ẹsejọhọ ejọ e rọ ukoko na nọ oruthọ ọnọ o kurẹriẹ no na u kpomahọ hayo nwoma, ẹsejọhọ enwoma na e gbẹ r’otọ dede. Fikiere avọ eware enana nọ e rọ iroro, okenọ a te ru owhowhovia ọrọ ẹrehọ-ziheze ohwo na, o rẹ ghinẹ lọhọ họ re a dede ohwo na rehọ bẹsenọ oke jọ o rẹ vrẹ no.”

Dede nọ eva e rẹ were omai gaga nọ ma tẹ ruẹ ohwo nọ o zihe ziọ ukoko na, abọ ọtehe evaọ okenọ a rọ rehọ iẹe ziheze na u fo ho.