Ẹkpẹti Onọ

◼ Ono a rẹ kẹ ekade ọ ebaje okokohọ ologbo?

Ebaje okokohọ ologbo e rẹ sai fiobọhọ gaga evaọ evuhu inievo mai gbe ewhowho kẹ ẹgbede ọrọ okokohọ na. Dede na, a rẹ ghale ae ugbẹghale he. I re dhesẹ ohwo nọ ọ wha riẹ na wọhọ ọnọ o wo emamọ edikihẹ kugbe ugogo ukoko Isẹri Jihova jọ.

Ekade na i wo oria nọ a re kere odẹ ohwo na gbe odẹ ukoko na fihọ. Fikiere, a rẹ riẹ ohwo na ziezi wọhọ nọ ọ rrọ ukoko nọ a kere na. Society o re vi ekade na se ukoko kpobi. U fo re a rehọ ekade ọvuọvo kẹ owhowho-uvie nọ ọ họ-ame no gbe ọnọ ọ te họ-ame he kpobi. Ofariẹ, emọ gbe amọfa nọ a bi kpohọ iwuhrẹ ukoko ẹsikpobi je bi ru ẹnyaharo kpohọ abọ owo evaọ usiuwoma ota a rẹ sai wo ọvuọvo. U re fo ho re a rehọ ekade okokohọ kẹ ohwo nọ a sino ukoko no.

Okenọ ekade na i te t’obọ no, ekpako ukoko na a rẹ ruẹ nọ a ghale rae nya lele ekpọvio enana.