Ẹme nọ Whọ rẹ Ta Kpahe Emagazini Na

Awake! Nov. 22

“Ahwo jọ a be ruawa nnọ ọraha nọ o bi te okegbe ohwo-akpọ na ọ vrẹ epanọ a sae rọ ruẹrẹ iẹe. Kọ who roro nọ ẹruore ọ rrọ kẹ uyero na ha? [Kuvẹ kẹ uyo.] O rrọ ẹjiroro Ọnọma na re akpọ na ọ jọ ezuzu nọ ahwo a rẹ sae rria ha ha. [Se Aizaya 45:18.] Emagazini nana o dhesẹ epanọ a ti ro siwi akpọ na.”

Uwou-Eroro Oct. Dec. 1

“Ahwo buobu nẹnẹ a wo Ebaibol na, yọ a bi sei ẹsikpobi, rekọ uruemu rai u bi dhesẹ ute uruemu ukpehru nọ o rrọ eva riẹ hẹ. Fikieme ohẹriẹ o jẹ rrọ udevie oware nọ ahwo buobu a bi se no Ebaibol ze gbe oware nọ a bi ru? [Kuvẹ kẹ uyo.] Ovuẹ Ẹme Ọghẹnẹ u wo emamọ uthubro nọ u re fi obọ họ kẹ ahwo ru uvi inwene evaọ uzuazọ rai. [Se Ahwo Hibru 4:12.] Emagazini nana ọ ta kpahe ogaga nọ Ẹme Ọghẹnẹ o re ro nwene ohwo.”

“Ohwo-akpọ ọ dawo oghoghẹrẹ isuẹsu no evaọ omodawọ riẹ re o si emuemu no akpọ na. Ethube gbe ozighi nọ i bi vihọ nẹnẹ u dhesẹ nnọ ẹgba ohwo-akpọ o kie. Kọ whọ sai roro no sọ emuemu o ti no akpọ na ẹdẹjọ? [Kuvẹ kẹ uyo; kẹsena who ve se Olezi 37:10.] Emagazini nana ọ ta kpahe eyaa Ọghẹnẹ ọrọ akpọ ọkpokpọ nọ emuemu ọ gbẹ te jọ họ.”

Awake! Dec. 8

“Kọ who roro nọ ohwo-akpọ ọ te reawere oghẹrẹ iyero nọ a jọ etenẹ dhesẹ na ẹdẹjọ. [Se Aizaya 14:7. Whọ vẹ kuvẹ kẹ uyo.] Emagazini nana ọ wha uvi evuẹ nọ ma rẹ sai wo erere no ze nọ ma be hẹrẹ orugba eyaa Ọghẹnẹ na.” Ta kpahe uzoẹme na “How Can You Resist Wrong Desires?” (Ẹvẹ Whọ Sae rọ Whaha Isiuru Iyoma?)