Ẹme nọ Whọ rẹ Ta Kpahe Emagazini Na

Awake! Nov. 22

“Dede nọ emuore ọ rrọ buobu nọ a rẹ rọ ko ahwo kpobi evaọ akpọ na, ahwo nọ a bu te ima 800 a be re emu da oma ha. Kọ oyena u gbe yoma? [Kuvẹ kẹ uyo.] Emagazini nana o ta kpahe use-abọ ulogbo nọ o riẹ re a sae kuọ ahwo kpobi. O tẹ jẹ ta kpahe eyaa Ebaibol na ọrọ akpọ nọ ohọo o te jọ họ.” Se Olezi 72:16a.

Uwou-Eroro Na Dec. 1

“U bi gbe ahwo buobu unu kpahe oware nọ ọriẹwẹ o jẹ da akpọ na fia nẹnẹ. Kọ who roro no ẹdẹjọ kpahe epanọ Ọghẹnẹ o rri ahwo uyẹ sa-sa ọrọ ohwo-akpọ? [Se Iruẹru 10:34, 35. Whọ vẹ kuvẹ kẹ uyo.] Emagazini nana o ta kpahe epanọ ahwo evẹrẹ kpobi a rọ rrọ okugbe evaọ egagọ Ọghẹnẹ uzẹme ọvo na, Jihova.”

Awake! Dec. 8

“Mẹ gwọlọ ta k’owhẹ kpahe okenọ ohwo kpobi ọ te rọ rria emamọ uwou nọ u kiehọ. Kọ u gbe yoma inọ ahwo buobu a wo iwou nọ a be ria ha? [Kuvẹ kẹ uyo. Who ve se Aizaya 65:21, 22.] Emagazini nana o ta kpahe oware nọ o wha riẹ ze nọ ahwo buobu a gbe wo iwou hu. O tẹ jẹ ta kpahe epanọ Ọghẹnẹ o ti ro ru eyaa nọ ma se obọnana gba.”