Branch Letter

Iwhowho-Uvie Eghaghae:

Evaọ etoke ukpe iruo 2006 na, a jọ Nigeria to ukoko ọsosuọ nọ a jẹ rọ obọ tẹme kẹ ahwo nọ a diezọ họ, avọ ekpako ukoko 2, idibo iruiruo 2, iwhowho-uvie 15, gbe ekobaro oke-kpobi 12. Ma bi yere inievo-emezae gbe erọ emetẹ nọ i wuhrẹ epanọ a rẹ rọ obọ t’ẹme re a sae rọ ẹro te ẹgwọlọ ahwo nọ a diezọ.

Ofẹ ofa nọ ma jọ wo ẹnyaharo ologbo evaọ ukpe iruo nọ o vrẹ na họ abọ nọ ma jẹ be rọ ijini kere ebe na. U te no Uwou-Eroro Na gbe Awake! nọ ma be rọ ijini kere anwẹdẹ no, ma muọ ibroshọ gbe emebe-evẹvẹ họ ekere no enẹna evaọ Nigeria. Evaọ oke nọ u kpemu, a jẹ hai vi ebe nana no obọ ẹwho-iyibo se omai, yọ ẹsejọ, evaọ etoke thethei ma jẹ hai wo enana ha fikinọ e jẹ hae jọ edhere raha oke nọ i te bi no obọ ẹwho-iyibo ze. Fiki ẹnyaharo ọkpokpọ nana, ma rẹro nọ ma te hai vi ebe nana nọ ma fodẹ na se ukoko kpobi nọ ayare rai ọ tẹ nwani te omai obọ.

Egwa Uvie nọ a be bọ o gbẹ be wha ujiro se odẹ Jihova. Evaọ etoke ukpe iruo nọ o vrẹ na, nọ a tẹ ghale Egwa Uvie nọ a jọ ukpe na soso bọ fihọ ẹkpoka ọvuọvo, erọ ẹkpoka ọvo i bu vrẹ ezeza. Ofariẹ re, a jọ ukpe iruo nọ o vrẹ na bọ Egwa Okokohọ ene.

Aye jọ evaọ Ebonyi State nọ ọ gwọlọ nọ o re ru uvumọ oware kugbe Isẹri Jihova ha vẹre o nwene iroro riẹ nọ ọ ruẹ okugbe gbe uyoyou nọ inievo na a dhesẹ eva okenọ a jẹ bọ Ọgwa Uvie ọkpokpọ jọ. Enẹna aye na o bi kpohọ iwuhrẹ ukoko mai kpobi.

Ma be yare owhai inọ wha ruabọhọ olẹ se Jihova re ọ ghale iruẹru mai nọ ma bi rẹro okenọ Jesu Kristi nọ ọ keria ehru anyenya ọfuafo na ọ te rọ raha iruẹru iyoma Setan kpobi no.—1 Jọn 3:8; Evia. 6:2.

Inievo rai,

Uwou Ogha Nigeria