Ọjọriẹ Ekareghẹhọ

Ekpako na a re muẹrohọ eware nana nọ a be ruẹrẹ oma kpahe kẹ Ekareghẹhọ na:

◼ Wha ruẹ nnọ a wọ ebrẹdi gbe udi na ha bẹsenọ ọre o re kie diwi no.

◼ A re wo oghẹrẹ ebrẹdi gbe udi nọ a gwọlọ na te obọ, a vẹ jẹ ruẹrẹ ae kpahe.—Rri Uwou-Eroro ọ March 1, 2003, ẹwẹ-obe avọ 10-11.

◼ A rẹ kake wha imidhe, egalase, gbe emẹjẹ avọ ohọ-emẹjẹ nọ u kiehọ ze ọgwa na, a vẹ jẹ kake ruẹrẹ ae họ oria rai.

◼ A re ru Ọgwa Uvie hayo oria ofa nọ a ti kokohọ na fo tẹtẹtẹ evaọ ẹruoke.

◼ A rẹ kake salọ eruẹrẹahwohọ avọ enọ e te wọ ebrẹdi gbe udi na taure oke u te ti te, a vẹ jẹ kẹ ae ithubro kpahe ẹkẹ-iruo rai gbe oghẹrẹ nọ a ti ro ru ei, gbe oware nọ u je fo re a wha ẹgọ nọ o kiehọ.

◼ A re ru ọruẹrẹfihotọ re a wọ ebrẹdi gbe udi na se ọnọ a wholo kpobi nọ ọ sae nyaze he fikinọ oma riẹ o ga ha.

◼ Nọ ikoko nọ e te jọ Ọgwa Uvie ru Ekareghẹhọ na i te bu vrẹ ọvo, emamọ ọruẹrẹfihọ ọ rẹ jọ udevie ikoko na re unuẹthẹ, edhere owotọ, gbe oria nọ a rẹ dhẹ imoto fihọ e gbẹ keke hrọ họ.

◼ Otẹrọnọ Ọgwa Uvie na a ti jo ru ei hi, wha daoma ruẹ inọ wha ruẹrẹ emamọ ekwakwa ẹmeọta họ oria na re ahwo kpobi nọ a te jariẹ a sai yo ẹme na.