Daji Uyoyou Ọghẹnẹ

1. Ẹjiroro vẹ a ro kere obe ọ Daji Uyoyou Ọghẹnẹ na?

¹ Ma be rọ ọwhọ rẹro oke nọ ma te rọ jọ Uwuhrẹ Ebaibol Ukoko wuhrẹ obe okpokpọ na Daji Uyoyou Ọghẹnẹ muhọ no oka ọ February 23 vrẹ! Re onana o sae lọhọ, wha te siọ obe ọ Evawere Uviuwou ba ewuhrẹ nọ wha te wuhrẹ orọ oka ọ February 16, 2009 na no. Ileta nọ Ugboma Esuo na o jọ ẹwẹ-obe avọ 3 obe na kere se ohwo kpobi nọ o you Jihova u kuhọ avọ eme nana: “U mu omai ẹro nọ obe nana u ti fi obọ họ kẹ owhẹ ruabọhọ nya lele oware nọ Ebaibol na e ta evaọ uzuazọ ra, jẹ rọ ere daji ‘uyoyou Ọghẹnẹ avọ irẹro uzuazọ ebẹdẹ bẹdẹ.’—Jud 21.”

2. Abọ sa-sa vẹ evaọ uzuazọ obe nana o te jọ fi obọ họ k’omai?

² Eware nọ Ma re Rẹro Rai: Ẹvẹ ma sai ro fi ehri-izi Ebaibol họ iruo evaọ abọ usu, eware-ẹkeriotọ, adhẹẹ rọkẹ udu-esuo, iruemu mai, orọo, ẹmeunu, gbe ehaa-akpọ na? A te rọ itee ikpehru ẹrẹreokie nọ e rrọ Ebaibol na wuhrẹ obroziẹ-iroro mai. (Ol. 19:7, 8) Nọ otoriẹ mai kpahe epanọ Jihova o re rri eware o te rro haro na, o te lẹliẹ isiuru mai kẹ eruo oreva riẹ ga, yọ onana o te wọ omai yoẹme evaọ kabọ kabọ uzuazọ.—Ite 27:11; 1 Jọn 5:3.

3. Fikieme ma jẹ daoma jọ ewuhrẹ na k’uyo koka koka?

³ Gbaemu nọ Whọ rẹ Kuyo: Whọ tẹ be ruẹrẹ oma kpahe, utee ra ojọ re whọ jọ iraro ukoko na soso jiri Ọghẹnẹ. (Hib. 13:15) Ukoko na u ti wuhrẹ obe okpokpọ nana kugbe. Fikinọ oria nọ ma te hai wuhrẹ u ti tulo ho na, o te k’omai uvẹ ruẹrẹ oma kpahe ziezi, jẹ kiyo evaọ uwuhrẹ na. Iyo ọbọga nọ ma rẹ kẹ e te kẹ amọfa ọwhọ dhesẹ uyoyou je ru iruo iwoma, je fi obọ họ kẹ ahwo na kpobi wo erere no ewuhrẹ na ze vọvọ. (Hib. 10:24) Ofariẹ, oghọghọ mai o te rro haro nọ mai omomọvo ma te ta kpahe ẹrọwọ mai na.

4. Fikieme o jẹ r’oja re ma koko izi Ọghẹnẹ?

⁴ Eva aso urere taure o te ti whu, Jesu ọ ta inọ o r’oja re ma koko izi Ọghẹnẹ re ma sae rọ ere daji uyoyou Ọghẹnẹ. (Jọn 15:10) Avọ obufihọ obe ọ Uyoyou Ọghẹnẹ na, ma te gbaemu vi epaọ ọsosuọ re ma fi ehri-izi Ebaibol h’iruo evaọ uzuazọ ikẹdẹ kẹdẹ mai, jẹ rọ ere ‘daji uyoyou Ọghẹnẹ.’—Jud 21.