Ẹkpẹti Onọ

◼ Eme who re ru otẹrọnọ a whaha owhẹ nọ whọ gbẹ ta usiuwoma evaọ eria jọ họ?

Evaọ eria jọ, iporisi e ta kẹ iwhowho-uvie jọ nọ i kpohọ usiuwoma ota inọ a gbẹ jọ eria yena ta usiuwoma ha keme a be raha uzi. O tẹ via k’owhẹ ere, no ẹkwotọ na no vẹrẹ vẹrẹ ababọ ikẹ-isio. (Mat. 5:41; Fil. 4:5) Whọ daoma epanọ who re ro lele ae t’ẹme kpahe udu nọ egọmeti ọ k’omai nọ ma rẹ rọ ta usiuwoma ha. O tẹ lọhọ, muẹrohọ inọmba gbe odẹ nọ e rrọ ewu iporisi na. Kẹsena whọ vẹ vuẹ ekpako ukoko ra ababọ oke-oraha, ekpako na a vẹ jẹ uwou ogha riẹ kpahe oware nọ o via na. Epọvo na re, otẹrọnọ ohwo nọ o bi rou hayo rẹrote ighẹ nọ a diogba wariẹ họ hayo nọ ahwo buobu a be rria ọ ta kẹ owhẹ nọ who no ighẹ na no, no ighẹ na ababọ oke-oraha, whọ vẹ vuẹ ekpako ukoko ra. Uruemu omaurokpotọ gbe udhedhẹ nọ ma re ro lele ahwo nọ a rrọ udu-esuo yeri o sai fi obọ họ nọ ma jẹ whaha ebẹbẹ jọ.—Itẹ 15:1; Rom 12:18.