Ividio na The Bible—Its Power in Your Life

Ebaibol na i fi obọ họ kẹ ima ahwo buobu siobọno ekpehre uzuazọ nọ a je yeri no. Ehri-izi vẹ e rrọ Ebaibol na nọ e rẹ sai fi obọ kẹ omai fi ebẹbẹ kparobọ nẹnẹ nọ ma te fi ae họ iruo? Whọ te ruẹ uyo onọ nana nọ who ti riwi ividio na The Bible—Its Power in Your Life, ividio avivẹ evaọ usu esa nọ e rrọ DVD na The Bible—A Book of Fact and Prophecy. Nọ who riwi ividio na no, kọ whọ te sae kẹ iyo enọ nana?

(1) Fikieme ma sae rọ ta nọ Ebaibol yọ obe nọ a roma totọ kere ọvo ho? (Hib. 4:12) (2) Otẹrọnọ Ebaibol na o rẹ sai fi obọ họ kẹ ahwo ru uzuazọ rai woma, kọ fikieme ahwo a je wo ebẹbẹ buobu ghele? (3) Didi uzoẹme o dhẹ Ebaibol na duwu? (4) Ikere vẹ a fodẹ evaọ ividio na nọ e rẹ sai fi obọ họ kẹ ọzae-avọ-aye (a) ru ẹmeọta-kugbe rai woma ziezi? (b) kpọ ofu rai? (5) Oghẹrẹ vẹ oware nọ Ebaibol e ta kpahe orọo u re ro fi obọ họ kẹ uviuwou rria ziezi? (Ẹf. 5:28, 29) (6) Ẹvẹ Jihova o ro fi uvi oriruo họ otọ kẹ esẹgbini? (Mak 1:9-11) (7) Ẹvẹ esẹgbini a sai ro ru uwuhrẹ uviuwou rai were oma? (8) U te no ewuhrẹ Ebaibol no, eme ọfa Ebaibol e tuduhọ esẹgbini awọ inọ a kẹ emọ rai? (9) Ẹvẹ ehrẹ Ebaibol na e sai ro fi obọ kẹ uviuwou evaọ ofẹ ugho? (10) Ehri-izi Ikereakere vẹ kpahe ẹfuọ, imu-egaga elọ, idieda-thomawa, gbe awaọruọ-ọgaga i re fi obọ họ kẹ omai whaha oghẹrẹ eyao jọ? (11) Eyaa vẹ evaọ Ebaibol na e rẹ sai fi obọ họ kẹ omai thihakọ? (Job 33:25; Ol. 145:16) (12) Ẹvẹ iwuhrẹ Ẹme Ọghẹnẹ i ro fi obọ họ kẹ owhẹ ru uzuazọ ra woma ziezi no? (13) Ẹvẹ whọ sae rọ rehọ ividio nana fi obọ họ kẹ amọfa?