Ẹme nọ Whọ rẹ Ta Kpahe Emagazini Na

Uwou-Eroro Na January-March

“Usu nọ ma be nya o rẹ sai kpomahọ omai gaga. Ogbẹrọ ere? [Kuvẹ kẹ uyo.] Muẹrohọ ẹme nọ Ebaibol ọ jọ etenẹ ta. [Se Itẹ 13:20.] Egbẹnyusu mai e rẹ sai ru omai wo ẹzi edẹro ziezi hayo ru omai nọ ma gbe wo edẹro ho. Uzoẹme nana nọ u muhọ evaọ ẹwẹ-obe avọ 7 na u dhesẹ oghẹrẹ nọ whọ sae rọ kiẹriwi sọ whọ riẹ egbẹnyusu ra salọ.”

Awake! February

“Fikinọ Ebaibol na o kri no, ahwo jọ a roro nọ o gba ha nọ a te roro kpahe eware nọ egba-eriariẹ e kiẹ via. Ẹvẹ who roro? [Kuvẹ kẹ uyo.] Ẹme nana nọ ọ rrọ Ebaibol na o re gbe ahwo buobu unu. [Se Aizaya 40:22.] Uzoẹme nọ u muhọ evaọ ẹwẹ-obe avọ 22 na o kuyo onọ nana, ‘Kọ otokiẹ-egbaeriariẹ o rọwo kugbe Ebaibol na?’”

Uwou-Eroro Na January-March

“Evaọ ichọche jọ nẹnẹ, ahwo buobu a rẹ ta nọ ẹzi ẹri ọ be wọ ae ta evẹravẹrẹ. Kọ who roro nọ ẹta evẹravẹrẹ itieye na obọ Ọghẹnẹ i no ze? [Kuvẹ kẹ uyo.] Gaviezọ kẹ ẹme nọ Ebaibol ọ jọ etenẹ ta. [Se 1 Ahwo Kọrint 13:8.] Re whọ sae gbẹ riẹ kpahe ẹme nana, uzoẹme nana nọ u muhọ evaọ ẹwẹ-obe avọ 29 na o ta kpahe onọ nana ‘Ẹta Evẹravẹrẹ Kọ Obọ Ọghẹnẹ U No Ze?’”

Awake! March

“Fikinọ ẹyao ọ be lahiẹ ahwo buobu, ma be rehọ etenẹ Ebaibol na tuduhọ ahwo awọ. [Se Aizaya 33:24.] Nọ onana u te rugba no, ẹvẹ who roro nọ uzuazọ o te jọ? [Kuvẹ kẹ uyo.] Bẹsenọ Ọghẹnẹ o ti ro si ẹyao n’otọ, eware jọ e riẹ nọ mai kpobi ma rẹ sai ru nọ i re fi obọ họ kẹ omai whaha ẹyao. Emagazini nana o ta kpahe eware nana.”