Ẹme nọ Whọ rẹ Ta Kpahe Emagazini Na

Uwou-Eroro Na January-March

“Ahwo a be ruẹ uye eware buobu nẹnẹ. Kọ who roro nọ ohwo jọ ọ riẹ nọ ọ ginẹ riẹ edada mai? [Kuvẹ kẹ uyo.] Gaviezọ kẹ oware nọ etenẹ ọ tae. [Se 2 Iruẹru-Ivie 6:30.] Eme nana e rrọ uduotahawọ gaga! Uzoẹme nọ o rrọ ẹwẹ-obe avọ 11 o ta kpahe epanọ Ikereakere nana o sae rọ kẹ omai omosasọ.”

Awake! March

Nọ whọ tẹ nyaku uzoge, dhesẹ uzoẹme nọ u muhọ evaọ ẹwẹ-obe avọ 26 na kẹe. Kẹsena who ve dhesẹ uzoẹme-osese ọsosuọ na kẹe whọ vẹ nọe nọ, “Kọ eme nana uzẹme manikọ ọrue? [Kuvẹ kẹ uyo. Kẹsena who ve se 2 Ahwo Kọrint 7:1.] Uzoẹme nana o ta kpahe oware nọ u fo nọ whọ rẹ riẹ kpahe ivovavovo gbe epanọ a sae rọ siẹe ba.”

Uwou-Eroro Na April-June

“Kọ who roro nọ o ginẹ lọhọ re ma riẹ oghẹrẹ ohwo nọ Ọghẹnẹ ọ rrọ? [Kuvẹ kẹ uyo.] Me wo obe jọ nọ o ta kpahe ẹme nana ziezi.” Se jẹ ta ẹme kpahe onọ avọ 2 gbe oria ikere ọvo jọ evaọ ẹwẹ-obe avọ 16 na. Fi emagazini na họ ada kẹe, je ru ọruẹrẹfihotọ nọ who ti ro zihe re wha ta kpahe onọ avọ 3 na.

Awake! April

“Kọ whọ rọwo nọ uwhu ohwo nọ ma you yọ oware jọ nọ o rẹ mae da ohwo-akpọ kpobi? [Kuvẹ kẹ uyo.] Ahwo buobu a wo omosasọ no eme nana ze no. [Se Olezi 55:22.] Emagazini nana o dhesẹ eware sa-sa nọ ma re ru nọ ma tẹ rrọ uweri, gbe epanọ ma re ro gbolo owha mai kẹ Ọghẹnẹ.”