Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ Amara Ane

“Ahwo buobu a rọwo nọ Ebaibol na yọ obe eruẹaruẹ nọ a re fi eva họ. Efa a roro nọ eruẹaruẹ Ebaibol na e rrọ ragha ragha fikinọ ahwo a rẹ sae f’otọ rai evaọ idhere sa-sa. Ẹvẹ who roro?” Kuvẹ kẹ uyo. Se jẹ ta ẹme kpahe onọ ọsosuọ nọ o rrọ ẹwẹ-obe avọ 22 evaọ Uwou-Eroro ọ April-June, je se oria Ikere ọvo jọ nọ a jariẹ fodẹ. Ku Awake! kugbe Uwou-Eroro na rọ kẹe, je ru ọruẹrẹfihotọ epanọ whọ te rọ kuyo onọ nọ o kẹle riẹ na.

Uwou-Eroro Na April-June

“Ahwo a wo ọvuọ iroro rai kpahe Jesu. Ejọ a roro nọ ọye họ Mesaya nọ a yeyaa riẹ na. Efa a roro nọ emamọ ohwo jọ gheghe ọ jọ. Efa a rọwo inọ Jesu ọ jọ uzuazọ họ. Ẹvẹ who roro? [Kuvẹ kẹ uyo.] Ebaibol o dhesẹ nọ o r’oja re ma riẹ Jesu ziezi. [Se Jọn 17:3.] Emagazini nana ọ kẹ iyo enọ jọ nọ ahwo a be nọ kpahe Jesu.”

Awake! April

“Ma bi lele ahwo ta ẹme kpahe uzuazọ uviuwou. Kọ whọ riẹ inọ iviuwou a wo ebẹbẹ buobu nẹnẹ? [Kuvẹ kẹ uyo.] Muẹrohọ oria nọ iviuwou buobu a be jọ wo ehrẹ nọ i re fi obọ họ. [Se Olezi 119:105.] Emagazini nana o ta epanọ a sae rọ rehọ ehrẹ Ebaibol fi ebẹbẹ kparobọ evaọ uviuwou nọ ọsẹ hayo oni na ọ gbẹ rrọ ọnọ o yẹ emọ na ha.”