Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ November

“Ahwo jọ a re gbe rri Jesu wọhọ epanọ ọ jọ okenọ a yẹi obọ, hayo okenọ a kare iẹe fihọ ure. Rekọ ẹvẹ who roro nọ Jesu ọ rrọ obọnana? [Kuvẹ kẹ uyo.] Rri oware nọ obe nana o ta.” Kẹe Uwou-Eroro ọ October-December na, re who se jẹ ta ẹme kpahe onọ ọsosuọ nọ o rrọ ẹwẹ-obe avọ 18. Se oria Ikere ọvo jọ nọ a jariẹ fodẹ. Ku Awake! kugbe rọ kẹe, je ru ọruẹrẹfihotọ nọ who ti ro zihe re wha ta ẹme kpahe onọ nọ o kẹle riẹ.

Uwou-Eroro Na October-December

“Mẹ gwọlọ se oria Ebaibol jọ nọ o were omẹ gaga kẹ owhẹ. [Se Jerimaya 31:34.] Kọ onana u dhesẹ nọ Ọghẹnẹ nọ ọ ma ehrugbakpọ na ọ rẹ sae kareghẹhọ izieraha nọ ọ rọ vrẹ omai no ho? Whọ te ruẹ uyo na evaọ ẹwẹ-obe avọ 26 evaọ emagazini nana.”

Awake! November

“Ma gwọlọ ta ẹme jọ kugbe owhẹ kpahe uviuwou. Enẹna whọ rẹ ruẹ iviuwou buobu nọ ọsẹ hayo oni na ọvo ọ be jọ yọrọ emọ. Kọ who roro nọ o rẹ lọhọ kẹ ae te uwou nọ ọsẹ avọ oni a be jọ rẹrote emọ rai? [Kuvẹ kẹ uyo.] Ebaibol na o fi obọ họ kẹ eyewọ buobu no. [Se 2 Timoti 3:16.] Emagazini nana o dhesẹ epanọ ọsẹ hayo oni nọ ọyọvo ọ rrọ ọ sae rọ yọrọ emọ riẹ ziezi.”