Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ August

“Ahwo buobu nẹnẹ a rọwo inọ eki ma ziọ akpọ na te tho, ọnọ ọ tho no o ve kpo. Eme who roro kpahe oyena? [Kuvẹ kẹ uyo.] Muẹrohọ oware nọ Ebaibol o wuhrẹ kpahe ẹme nana.” Kẹe Uwou-Eroro ọ July-September, wha ve se eme nọ e rrọ otọ onọ ọsosuọ evaọ ẹwẹ-obe avọ 16 na kugbe, je se ikere ọvo jọ. Fi emagazini na họ ada kẹe, je ru ọruẹrẹfihotọ epanọ who ti ro zihe re wha ta ẹme kpahe onọ nọ u lele oyena.

Uwou-Eroro Na July-September

“Uvuhu yọ ẹbẹbẹ jọ nọ ahwo-akpọ a wo nẹnẹ. Kọ who roro nọ uvuhu u ti n’otọ ẹdẹjọ? [Kuvẹ kẹ uyo. Kẹsena who ve se Luk 4:16-18.] Oria Ebaibol nana o fodẹ emamọ usi kẹ iruori hayo iyogbere na. Eme họ emamọ usi nana? A jọ uzoẹme nana nọ u muhọ evaọ ẹwẹ-obe avọ 7 na kẹ uyo na.”

Awake! August

“Mẹ gwọlọ riẹ oware nọ who roro kpahe oria Ebaibol nana. [Se 1 Samuẹle 16:23.] Oria nana u dhesẹ nọ ikporakporo i wo ẹgba. Kọ who roro nọ oghẹrẹ ile jọ e sae raha omai? [Kuvẹ kẹ uyo.] Emagazini nana o ta kpahe epanọ ma sae rọ salọ emamọ ile je fi obọ họ kẹ emọ mai ru epọvo na.”