Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ August

“Kọ who roro nọ egagọ e lẹliẹ uyoyou gbe udhedhẹ rrọ akpọ na manikọ e be wha egrẹ gbe ohọre ze? [Kuvẹ kẹ uyo.] Jọ me dhesẹ ẹme jọ nọ a kere kpahe onana kẹ owhẹ.” Kẹe Uwou-Eroro ọ July-September na, re who se jẹ ta ẹme kpahe onọ ọsosuọ nọ o rrọ ẹwẹ-obe avọ 24, se oria Ikere ọvo jọ nọ a jariẹ fodẹ. Ku Awake! kugbe rọ kẹe, je ru ọruẹrẹfihotọ nọ who ti ro zihe re wha ta ẹme kpahe onọ nọ o kẹle riẹ na.

Uwou-Eroro Na July-September

“Ma bi lele ahwo ta ẹme kpahe uruemu jọ nọ o rẹ lẹliẹ omai were amọfa, oyehọ omaurokpotọ. Rekọ, ahwo buobu nẹnẹ a wo omaurokpotọ họ. Kọ ẹvẹ kpahe Jihova Ọghẹnẹ Erumeru na? Who roro nọ o wo omaurokpotọ? [Kuvẹ kẹ uyo.] Joma se ẹme nọ Ebaibol ọ ta kpahe iẹe. [Se Olezi 18:35.] Uzoẹme nọ ọ rrọ ẹwẹ-obe avọ 22 evaọ emagazini nana u dhesẹ erere nọ o re te omai nọ ma te wuhrẹ kpahe omaurokpotọ Ọghẹnẹ.”

Awake! August

“Enẹna, ozọ nọ a rẹ rọ ruọ otafe u bi mu ahwo buobu, maero nọ oke u te kpo no. Kọ who roro nọ u wo oware jọ nọ a rẹ sai ru re ozọ u no akpọ na omojọ? [Kuvẹ kẹ uyo.] Emagazini nana u dhesẹ eware jọ nọ mai kpobi ma rẹ sai ru re udhedhẹ o sae jọ udevie mai gbe amọfa. O tẹ jẹ ta oghẹrẹ nọ eruẹaruẹ iwoma nana i ti ro rugba.” Se Olezi 72:7.