Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ July

“Kọ whọ sai roro no ẹdẹjọ kpahe oware nọ Ọghẹnẹ ọ rọ kẹ emuemu gbe uye-oruẹ uvẹ? [Kuvẹ kẹ uyo.] Mẹ gwọlọ dhesẹ oware jọ kpahe ẹme nana kẹ owhẹ.” Se jẹ ta ẹme kpahe onọ ọsosuọ evaọ ẹwẹ-obe avọ 24 ọrọ Uwou-Eroro ọ July-September, je se ikere ọvo jọ nọ a jariẹ fodẹ na. Rehọ emagazini na kẹ ohwo na je ru ọruẹrẹfihotọ epanọ who ti ro zihe re whọ kuyo onọ nọ u lele oyena.

Uwou-Eroro Na July-September

“O rrọ bẹbẹ kẹ ahwo buobu re a re eva vọ. Kọ who roro nọ okejọ o te jariẹ nọ ohwo ọvo ọ gbẹ te jọ oyogbe he? [Kuvẹ kẹ uyo. Kẹsena who ve se Olezi 9:18.] A jọ emagazini nana ta kpahe oware nọ o wha uvuhu ze gbe oware nọ Ebaibol o ta nọ u ti ku ẹbẹbẹ nana họ.”

Awake! July

Fodẹ okpẹtu jọ nọ a ta kpahe evaọ awhusi. Kẹsena whọ vẹ ta nọ: “Eme who roro nọ o lẹliẹ Ọghẹnẹ kẹ eware itieye uvẹ re e via? [Kuvẹ kẹ uyo.] Wọhọ epanọ Ebaibol ọ ta, ohrọ ahwo nọ a be ruẹ uye o rẹ re Ọghẹnẹ. [Se Ọnyano 3:7.] Ebaibol ọ tẹ jẹ ta oware nọ Ọghẹnẹ ọ rọ kẹ uye-oruẹ uvẹ gbe inọ o ti ku ei họ kẹle riẹriẹriẹ. Emagazini nana o ta kpahe onana.”