Iriruo Usiuwoma Ota

Onọ A re ro Mu Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ July

“Ahwo buobu a gwọlọ nọ akpọ na ọ jọ dhedhẹ. Rekọ epanọ a daoma te kẹhẹ, a gbe bi fi emo. Fikieme o jẹ rrọ bẹbẹ re ma wo udhedhẹ evaọ akpọ na?” [Kuvẹ kẹ uyo.] Dhesẹ uke Uwou-Eroro July–August rọ kẹe, re wha se eme nọ e rrọ otọ onọ ọsosuọ na. Se jẹ ta kpahe oria Ebaibol ọvo jọ nọ a jariẹ fodẹ. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe onọ avọ ivẹ na.

Ọjọriẹ: A re ru odhesẹvia nana evaọ ewuhrẹ omakugbe kẹ usiuwoma ota evaọ July 6.

Uwou-Eroro Na July–August

“Ma be ta ẹme kpahe ẹbẹbẹ jọ nọ ọ rrọ akpọ na. Ahwo buobu a ruẹ omukpahe ahwo uyẹ ofa no. Kọ who roro nọ oria jọ o rrọ akpọ na nọ ẹbẹbẹ nana ọ rrọ họ? [Kuvẹ kẹ uyo.] Rri epanọ Ebaibol na ọ ta nọ Ọghẹnẹ o rri ahwo kpobi. [Se Iruẹru Ikọ Na 10:34.] Emagazini nana ọ ta kpahe epanọ Ọghẹnẹ o ti ro ku ẹbẹbẹ nana họ.”

Awake! July

“Ma be ta ẹme kpahe ẹbẹbẹ jọ nọ o be kẹ ahwo buobu uye, oyehọ okienyẹ. Ahwo buobu a rẹ gwọlọ họre kẹ omarai. Kọ who roro nọ ahwo nọ a rẹ họre kẹ omarai a rẹ sai ku ẹbẹbẹ nana họ? [Kuvẹ kẹ uyo.] Muẹrohọ oware nọ Ebaibol na ọ ta nọ u ti ku ẹbẹbẹ nana họ. [Se Matiu 6:9, 10.] Emagazini nana ọ kẹ uyo onọ nana, Kọ ohọre o rẹ sai ku okienyẹ họ?”

Emamọ Usi nọ U No Obọ Ọghẹnẹ Ze!

“Ma be rehọ Ebaibol na tuduhọ ahwo nọ a rrọ iyẹrẹ nana awọ. U bi gbe ahwo buobu unu oware nọ o wha riẹ ze nọ Ọghẹnẹ ọ be rọ kuvẹ kẹ uye-oruẹ. Kọ who roro nọ Ọghẹnẹ ọ ma omai re ma ruẹ uye?” [Kuvẹ kẹ uyo.] Kẹsena who ve rovie kpohọ uwuhrẹ avọ 5, who ve se idhe-ẹme ivẹ ọsosuọ gbe ikereakere nọ a kere fihọ nọ “se” na. Kẹ ohwo na ibroshọ na, wha ve fi oke họ nọ who ti ro zihe re whọ ta ẹme kpahe onọ nọ o kẹle riẹ na.