Edhere Jọ nọ Ma Sae rọ Rehọ Ibroshọ Ebaibol Na—Ovuẹ Vẹ O Riẹ Eva? Ruiruo
Ahwo buobu nọ e rrọ ẹkwotọ mai, maero enọ e rrọ Ileleikristi hi, a riẹ eware nọ e rrọ Ebaibol na ha. Nọ iwhowho-uvie jọ a jẹ rehọ obe ọ Ebaibol Wuhrẹ na wuhrẹ ahwo otiọye na, a rehọ ibroshọ nana fi obọ họ kẹ emọ-uwuhrẹ rai riẹ eware nọ e rrọ Ebaibol na no. Wọhọ oriruo, oniọvo jọ nọ ọ jẹ rehọ uzou avọ 3 ọrọ Ebaibol Wuhrẹ na wuhrẹ ohwo jọ, ọ tẹ rehọ abọ ọsosuọ ibroshọ na ruiruo. Nọ anwọ oke yena vrẹ, a tẹ nwani ku uwuhrẹ na họ no, ọ vẹ ta kpahe abọjọ ọrọ ibroshọ na. Kọ who bi wuhrẹ obe kugbe ohwo jọ nọ o wo umutho eriariẹ kpahe Ebaibol na hayo nọ o wo vievie he? Re who fi obọ họ kẹe riẹ ‘ikere ẹri na, nọ e rẹ sai ru ei wo usiwo,’ hae rehọ eme no ibroshọ Ovuẹ Ebaibol na ze nọ whọ tẹ be rehọ obe ọ Ebaibol Wuhrẹ na ru uwuhrẹ.—2 Tim. 3:15.