UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 11/11 ẹwẹ. 4
  • Okwakwa-Aghae nọ O rẹ Mai Ru Ohwo Jọ Emamọ Owuhrẹ

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Okwakwa-Aghae nọ O rẹ Mai Ru Ohwo Jọ Emamọ Owuhrẹ
  • Odibọgba Uvie Mai—2011
  • Onọ O Wọhọ E Riẹ
  • Rọ Uyoyou Wuhrẹ Ahwo Wọhọ Epanọ Jesu O ru
    Uwou-Eroro Na Nọ U Bi Whowho Uvie Jihova—2009
  • Uyoyou​—Uruemu Oghaghae
    Uwou-Eroro Na Nọ U Bi Whowho Uvie Jihova (Uwuhrẹ)—2017
  • Rehọ Uyoyou Bọ Oma Ga
    Uwou-Eroro Na Nọ U Bi Whowho Uvie Jihova—2001
  • Wo Uyoyou Nọ U Re Re he
    Uwou-Eroro Na Nọ U Bi Whowho Uvie Jihova—2009
Ruẹ Efa
Odibọgba Uvie Mai—2011
km 11/11 ẹwẹ. 4

Okwakwa-Aghae nọ O rẹ Mai Ru Ohwo Jọ Emamọ Owuhrẹ

1. Okwakwa-aghae vẹ o rẹ mai ru ohwo jọ emamọ owuhrẹ?

1 Eme u re fi obọ họ kẹ ohwo jọ emamọ owuhrẹ Ẹme Ọghẹnẹ? Kọ isukulu akpọ na? Kọ eware nọ ohwo ọ rọ ẹro ruẹ no? Kọ onaa jọ nọ ohwo o wo? Oyehọ okwakwa nọ o gba izi na kpobi kugbe, nọ a re ro vuhu ilele Jesu, oye o mai viodẹ jẹ mai siuru evaọ usu ekwakwa-aghae ene Jihova. (Jọn 13:35; Gal. 5:14; 1 Jọn 4:8) Oyehọ uyoyou. Emamọ owuhrẹ o re wo uyoyou.

2. Fikieme u je wuzou re ma wo uyoyou kẹ ahwo?

2 You Ahwo: Owuhrẹ Ologbo na Jesu o you ahwo, yọ onana o wha riẹ ze nọ ahwo a jẹ rọ gaviezọ kẹe. (Luk 5:12, 13; Jọn 13:1; 15:13) Ma te you ahwo, u ti ru nọ ma te rọ rehọ uvẹ kpobi ta usiuwoma. Ma te kẹ uvẹ hẹ re ọwọsuọ hayo ababọ isiuru ahwo e whaha omai. Ma ti dhesẹ uvi isiuru kpahe ahwo nọ ma be ta usiuwoma kẹ, jẹ kpọ eme mai rri eware nọ e re rai oja. U ti no omai eva ze re ma raha oke ruẹrẹ oma kpahe kẹ ọmọ-uwuhrẹ Ebaibol kpobi jẹ raha oke ru eme vẹ kẹ ai.

3. Ẹvẹ uyoyou kẹ iwuhrẹ Ebaibol u re ro fi obọ họ kẹ omai evaọ iruo odibọgba na?

3 You Iwuhrẹ Ebaibol: Jesu o you iwuhrẹ nọ e rrọ Ikereakere na je rri rai wọhọ efe. (Mat. 13:52) Ma te you uzẹme na, ma te rọ ọwhọ ta ẹme, yọ onana o sai ru ahwo gaviezọ kẹ omai. Uyoyou utiọye u re fi obọ họ kẹ omai nọ ma jẹ tẹrovi obọdẹ uwuhrẹ nọ ma be kẹ ahwo viukpọ onaa nọ ma wo ho, u ve ti ru nọ ozọ u gbe ti mu omai tere he.

4. Ẹvẹ ma sae rọ daoma wo uyoyou?

4 Daoma Wo Uyoyou: Ẹvẹ ma sai ro wo uyoyou kẹ ahwo? Ma re roro kpahe uyoyou nọ Jihova avọ Ọmọ riẹ a dhesẹ kẹ omai gbe ohọo abọ-ẹzi nọ u bi kpe ahwo ẹkwotọ mai. (Mak 6:34; 1 Jọn 4:10, 11) Ma te bi ru uwuhrẹ omobọ mai je roro didi kẹse kẹse u re ru uyoyou mai kẹ iwuhrẹ Ebaibol diwi ziezi. Uyoyou yọ abọjọ ubi ẹzi na. (Gal. 5:22) Fikiere, ma sae yare Jihova kẹ ẹzi ọfuafo, re o je fi obọ họ kẹ omai wo uyoyou ziezi. (Luk 11:13; 1 Jọn 5:14) Ma gbẹ maki kpohọ isukulu tere he, hayo ma ri kri ukoko na tere he, hayo ma wo onaa tere he, ma te jọ emamọ iwuhrẹ Ẹme Ọghẹnẹ nọ ma te bi dhesẹ uyoyou.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa