Uvi Edhere nọ Ma rẹ rọ Reawere Ile Ukoko Na

Idibo Ọghẹnẹ a riẹ inọ ile yọ okẹ nọ u no obọ Jihova ze. (Jem. 1:17) Ikoko buobu a be reawere ile ukoko na nọ a re kporo taure iwuhrẹ i te ti muhọ gbe nọ i te kuhọ no. Ile ukoko na nọ a re kporo yọ uvi edhere nọ a re ro dede omai ziọ iwuhrẹ. I re fi obọ họ kẹ omai ruẹrẹ iroro mai họ kẹ ewuhrẹ na. Ofariẹ, nọ a te bi kporo ile ekpokpọ nọ e rrọ obe ole mai na u re ru nọ ma jẹ riẹ ile na so ziezi. A te bi kporo ile na nọ a te ku ewuhrẹ họ no, u re ru nọ ma jẹ rọ evawere yere ohwohwo ziezi. Fikiere, ugboma ekpako ukoko kpobi u re ru ọruẹrẹfihotọ nọ a re ro kporo ile mai nọ a rehọ epiano kporo na taure ewuhrẹ o te ti muhọ gbe nọ ewuhrẹ o te kuhọ no. Evaọ etoke nọ a bi ro yere ohwohwo na, a rẹ ruẹ nọ ile na i re do ga hrọ họ re ohwo ọ sai yo ẹme ohwo.