Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ January

“Ma riẹ nọ mai kpobi ma gwọlọ wo egbẹnyusu. Kọ uruemu vẹ whọ mae gwọlọ evaọ oma ogbẹnyusu? [Kuvẹ kẹ uyo.] Emagazini nana o ta oware nọ u je fo re ma yọroma kpahe oghẹrẹ ahwo nọ ma re mu ogbẹnyusu.” Kẹsena whọ vẹ rehọ Uwou-Eroro ọ January-March na rọ kẹe, wha vẹ ta ẹme kpahe onọ ọsosuọ evaọ ẹwẹ-obe avọ 24 na. Se ikere jọ nọ a jariẹ fodẹ. Ku Awake! kugbe Uwou-Eroro na rọ kẹe, je ru ọruẹrẹfihotọ epanọ whọ te rọ kuyo onọ nọ o kẹle riẹ na.

Uwou-Eroro Na January-March

“Who te muẹrohọ, okpẹtu nọ a r’obọ so ho e be via kiti gaga nẹnẹ. Kọ whọ riẹ oware nọ o jẹ rrọ ere? [Kuvẹ kẹ uyo.] Ebaibol na ọ fodẹ etoke nọ okpẹtu nọ a r’obọ so ho e te rọ via gaga. [Se Matiu 24:7, 8.] Emagazini nana ọ kiyo enọ nana: Fikieme okpẹtu nọ a r’obọ so ho ọ be rọ via kiti tenẹ? Kọ Ọghẹnẹ ọye ọ be rehọ ae kẹ omai uye? Kọ imuẹro vẹ e riẹ inọ Ọghẹnẹ o ti si okpẹtu kpobi n’otọ riẹriẹriẹ?”

Awake! January

“Udioriọ gbe iruemu ewhariọ sa-sa e da akpọ na fia nẹnẹ. Ahwo jọ a roro nọ ohwo o gbe fi imiwhayo evaọ okọ riẹ hẹ ọ rẹ sai wo ugho ziezi hi. Ẹvẹ who roro? [Kuvẹ kẹ uyo.] Roro kpahe ẹme nana nọ me bi ti se no obe itẹ ze na. [Se Itẹ 20:17.] Emagazini nana o ta oware nọ u je fo re ma jọ ahwo oruọzewọ.”