Iriruo Usiuwoma Ota

Usi Uvie avọ 38

“Ma be jọ akpọ na soso kẹ ahwo omobe-ovẹvẹ nana nọ u wo obọdẹ ovuẹ jọ. Ọra ọna.”

Ọjọriẹ: Re ma sai ru ẹkwotọ mai re, u fo re ma ta ẹme kpẹkpẹe. Rekọ ẹsejọ ma sae nyaku ohwo jọ nọ ọ gwọlọ nọ ma gbẹ ta ẹme haro. Otẹrọ ere, whọ sae nọe oware nọ o roro kpahe onọ nọ o rrọ aro omobe na, kẹsena whọ vẹ jọ omobe na se uyo nọ Ebaibol na o kẹ, jẹ ta ẹme kpahe abọjọ omobe na. Taure whọ tẹ te nyavrẹ, dhesẹ oria “Roro Kpahe Onọ Nana” kẹe evaọ uke omobe na re wha fi oke họ nọ who ti ro zihe re wha ta kpahe iẹe.

Uwou-Eroro Ọvo rite Ava

“Fiki eware nọ e vọ ahwo buobu abọ nọ a bi ru, a gbe bi wo uvẹ roro kpahe Ọghẹnẹ hẹ. Kọ who roro nọ o r’oja re ma si kẹle Ọghẹnẹ? [Kuvẹ kẹ uyo.] Nọ Jesu ọ jọ otọakpọ, ọ ta nọ re ma sai wo evawere evaọ uzuazọ, ma rẹ riẹ Ọghẹnẹ. [Se Matiu 5:3.] Emagazini nana ọ fodẹ eware esa nọ ma rọ gwọlọ Ọghẹnẹ evaọ uzuazọ.”

Awake! January

“Ẹsejọhọ who muẹrohọ no inọ iviuwou a bi wo ebẹbẹ sa-sa nẹnẹ, o gbẹ rrọ ere? [Kuvẹ kẹ uyo.] Oria Ebaibol nana o fodẹ oware nọ o rẹ sae bọ uviuwou ga. [Se Itẹ 24:3.] Ahwo buobu a vuhumu no inọ Ebaibol na ọ rẹ kẹ ohwo areghẹ. Emagazini nana o ta kpahe Oria Evuẹ itanẹte nọ whọ rẹ jọ ruẹ ehrẹ Ebaibol nọ i re fi obọ họ kẹ uviuwou.”