Rehọ Oria Evuẹ Mai Evaọ Itanẹte Ru Uwuhrẹ Omobọ Ra gbe Orọ Uviuwou
Jọ Itanẹte Se Emagazini Ekpokpọ: Hae jọ Itanẹte se Uwou-Eroro avọ Awake! ekpokpọ eka buobu no, taure i te ti te ukoko rai. Hae jariẹ gaviezọ kẹ emagazini mai nọ a kporo fihọ idiski.—Rovie oria “Ebe gbe Eware Efa,” kẹsena whọ vẹ jariẹ nẹ oria “Emagazini.”
Se Izoẹme nọ A ti gbe Kere Fihọ Ebe ha Na: Izoẹme wọhọ “Rọkẹ Izoge Na,” “Uwuhrẹ Ebaibol Mẹ,” “For Family Review,” gbe “Young People Ask,” evaọ Oria Evuẹ Itanẹte mai na ọvo e te jọ. Kpohọ Oria Evuẹ mai na re whọ jariẹ se izoẹme yena jọ evaọ uwuhrẹ omobọ ra hayo orọ uviuwou.—Rovie oria “Iwuhrẹ Ebaibol,” whọ vẹ jọ otọ riẹ rovie “Emọ” hayo rovie “Iwuhrẹ Ebaibol,” whọ vẹ jọ otọ riẹ rovie “Izoge.”
Se Iyẹrẹ Ekpokpọ: Se emamọ iyẹrẹ gbe eware nọ e be via, re who je rri ividio ekpẹkpẹe kpahe oghẹrẹ nọ inievo mai evaọ eria efa a be rọ ta usiuwoma na. Whọ te jẹ ruẹ iyẹrẹ kpahe inievo mai nọ eware okpẹtu e via kẹ gbe enọ a bi kpokpo, onana o te lẹliẹ owhẹ riẹ oghẹrẹ nọ whọ rẹ rọ lẹ roro ai. (Jem. 5:16)—Rovie oria “Iyẹrẹ.”
Jọ Uwou-Ebe Itanẹte Gwọlọ Eme Jọ: Otẹrọnọ wha wo Watchtower Library evaọ ẹvẹrẹ rai, jọ ekọmputa hayo ifonu ra nọ o wo Itanẹte se ekere okpẹdẹ na. Rehọ Uwou-Ebe Itanẹte mai na gwọlọ ẹme kpobi evaọ ebe nọ a siobọno obọ.—Rovie oria “Ebe gbe Eware Efa,” whọ vẹ jọ otọ riẹ nẹ “Uwou-Ebe Itanẹte,” hayo kere www.wol.jw.org fihọ oria nọ a re kere adrẹse fihọ evaọ Itanẹte.
[Uwoho nọ o rrọ ẹwẹ-obe avọ 4]
(Rọkẹ onọ a ruẹrẹhọ ziezi, rri obe na)
Dawo iẹe
1 Nẹ uwoho nana hayo oria nọ a kere fihọ nọ “Rehọ kẹ Omara.” Uwoho na u ti rovie kẹ owhẹ. Printi riẹ fihọ obe re whọ rehọ iẹe wuhrẹ ọmọ ra.
2 Nẹ “Kporo,” re who rri ividio.