Rehọ Oria Evuẹ Mai na Ta Usiuwoma

Hae Ta Kẹ Ahwo re A Rri Oria Evuẹ Na: Ejọ nọ e rẹ gwọlọ gaviezọ kẹ omai hayo rehọ ebe mai hi, a rẹ lẹlẹ rri Oria Evuẹ mai na re a riẹ oghẹrẹ ahwo nọ Isẹri Jihova a rrọ. Fikiere, hae vuẹ ahwo kpahe Oria Evuẹ mai na oke kpobi nọ u te fo.

Rehọ iẹe Za Enọ Rai: Ẹsejọ ahwo a rẹ nọ omai enọ kpahe oghẹrẹ ahwo nọ Isẹri Jihova a rrọ, gbe iwuhrẹ mai. Nwane jọ ifonu hayo ekọmputa rovie kpohọ Oria Evuẹ na re whọ kẹe uyo na. O rẹ mai woma re who se ikereakere nọ a jariẹ fodẹ no Ebaibol ze. Otẹrọnọ whọ sae jọ etẹe rovie Itanẹte he, dhesẹ oghẹrẹ nọ ọ sae rọ jọ jw.org ruẹ uyo na kẹe.—Rovie oria “Iwuhrẹ Ebaibol,” whọ vẹ jariẹ rovie “Enọ nọ Ebaibol Ọ Kẹ Iyo Rai” hayo rovie “Kpahe Omai,” whọ vẹ jariẹ nẹ “Enọ nọ Ahwo A rẹ Nọ Kẹse Kẹse.”

Vi Uzoẹme jọ Hayo Obe jọ Se Ohwo nọ Whọ Riẹ: Rehọ e-mail vi obe nọ whọ rehọ no Oria Evuẹ na ze se ohwo, o sae jọ orọ PDF hayo EPUB. Hayo whọ sae rehọ onọ a kporo eme riẹ no etẹe ze fihọ idiski. Oke kpobi nọ whọ kẹ ohwo nọ ọ re họ-ame he obe soso, onọ a re kporo, ibroshọ, hayo emagazini, whọ rẹ n’iyẹrẹ riẹ. Kere odẹ ra nọ who te bi vi oware se ohwo, yọ who vi eware buobu hu. Who fi ebe mai họ Oria Evuẹ Itanẹte efa ha.—Rovie oria “Ebe gbe Eware Efa.”

Dhesẹ Iyẹrẹ Eware nọ Isẹri Jihova A Ru Kẹle Kẹ Ahwo: Onana u ti fi obọ họ kẹ emọ-uwuhrẹ ra riẹ nọ akpọ na soso ma be jọ ta usiuwoma, jẹ riẹ nọ ma wo ohẹriẹ no inievo mai nọ e rrọ erẹwho efa ha. (Ol. 133:1)—Rovie oria “Iyẹrẹ.”

[Uwoho nọ o rrọ ẹwẹ-obe avọ 5]

(Rọkẹ onọ a ruẹrẹhọ ziezi, rri obe na)

Dawo iẹe

[Uwoho nọ o rrọ ẹwẹ-obe avọ 5]

1 Rovie oria “Ebe gbe Eware Efa,” re whọ gwọlọ oware nọ whọ gwọlọ rehọ kẹ omara, nẹ ẹme nọ a kere fihọ iẹe, hayo onọ a rẹ gaviezọ kẹ nọ whọ gwọlọ.

2 Nẹ “MP3” re whọ ruẹ izoẹme nọ e riẹe eva. Jarai nẹ uzoẹme nọ whọ gwọlọ re whọ sae rehọ iẹe kẹ omara, hayo nẹ oka nana ▸ re whọ gaviezọ kẹe ọvo.

3 Onana yọ oria nọ whọ rẹ jọ salọ orọ ẹvẹrẹ nọ whọ gwọlọ rehọ.