A Ru Oria Evuẹ Mai Evaọ Itanẹte re U Fi Obọ Họ Kẹ Omai gbe Amọfa
Jesu o vi omai inọ ma nyae vuẹ ahwo “akpọ na kpobi” usiuwoma uvie na “re o jọ isẹi kẹ erẹwho akpọ na kpobi.” (Mat. 24:14) Re usiuwoma na o sai te ahwo kpobi obọ, ma ru eria esa nọ ma jọ Itanẹte wo na, watchtower.org, jw-media.org, gbe jw.org fihọ oria ọvo no nọ ma bi se jw.org.—2 Tim. 4:5.
“Akpọ na Kpobi”: Enwenọ abọvo abasa ahwo akpọ na a bi rovie Itanẹte. Etẹe ahwo buobu maero kọ izoge a bi jo wuhrẹ eware nọ a gwọlọ riẹ. Ahwo nọ a bi rovie Itanẹte a rẹ jọ Oria Evuẹ mai ruẹ obọdẹ iyo nọ Ebaibol ọ kẹ kpahe enọ sa-sa. U bi fi obọ họ kẹ ibuobu riẹ kpahe ukoko Jihova, yọ o lọhọ gaga re a jariẹ yare obe-uwuhrẹ Ebaibol. Onana u ru nọ usiuwoma na u bi ro te eria nọ a rẹ sai kpohọ jọ ta usiuwoma ha.
“Erẹwho Akpọ na Kpobi”: Re usiuwoma na o sae jọ isẹi kẹ “erẹwho akpọ na kpobi,” ma rẹ rehọ evẹrẹ sa-sa rọ tae. Ahwo a rẹ sae jọ Oria Evuẹ mai na ruẹ ebe nọ a rehọ evẹrẹ nọ i bu te 400 kere.
Rehọ iẹe Ruiruo Ziezi: Fiki usiuwoma ota ọvo a ro ru Oria Evuẹ mai na wowoma ha. A ru rie kẹ ahwo nọ e rrọ ukoko na re. Otẹrọnọ who wo Itanẹte, daoma riẹ oghẹrẹ nọ Oria Evuẹ mai na ọ rrọ. Ma be jọ Odibọgba Uvie Mai nana dhesẹ oghẹrẹ nọ a re ro roviei gbe eware nọ a rẹ sae rehọ iẹe ru.
[Uwoho nọ o rrọ ẹwẹ-obe avọ 3]
(Rọkẹ onọ a ruẹrẹhọ ziezi, rri obe na)
Dawo iẹe
1 Kere www.jw.org fihọ etenẹ.
2 Nẹ izoẹme esese nana ọvuọvo re whọ ruẹ eware nọ a fihọ eva rai.
3 Otẹrọnọ who wo Itanẹte evaọ ifonu hayo ekọmputa ra, dae jariẹ rovie www.jw.org. Ifonu na ọ gbẹ make rro ho, whọ te jariẹ ruẹ eware na kpobi.